საქართველოს მთავრობის ინიციატივით მიმდინარე პროგრამის „ჩემი პირველი ნერგის“ ფარგლებში, დღეს გამწვანების ღონისძიებები გორში, დედოფლისწყაროში, ლაგოდეხში, ყვარელში, ახმეტაში, თელავში, წალენჯიხაში, ზუგდიდსა და მცხეთაში გაიმართა. გარემოსდაცვითი ინფორმაციისა და განათლების ცენტრის ცნობით, აღნიშნულ ლოკაციებზე ჯამში, 4 000-ზე მეტი ნერგი დაირგო. პროგრამა ხის დარგვის საერთაშორისო დღეს, 22 ოქტომბერს დაიწყო და საქართველოს მასშტაბით 9 ნოემბრის ჩათვლით გაგრძელდება.„ჩემი პირველი ნერგის“ მიზანია ადრეული ასაკიდან გარემოსდაცვითი ცნობიერების ამაღლება და ბავშვებში ბუნებაზე ზრუნვის პასუხისმგებლობის ჩამოყალიბება.პროგრამის ფარგლებში თბილისსა და საქართველოს ათივერეგიონში პირველკლასელები საკუთარ პირველ ნერგს დარგავენ. ნერგების სახეობები რეგიონების კლიმატური პირობების გათვალისწინებით შეირჩა. მათ შორისაა ქართული მუხა, კავკასიური ცაცხვი, მინდვრის ნეკერჩხალი, კავკასიური და ელდარის ფიჭვები და სხვა სახეობები. თითოეული პირველკლასელისთვის ერთი ნერგია გათვალისწინებული. ბავშვები უშუალოდ მონაწილეობენ დარგვის პროცესში, შემდგომ კი შესაძლებლობა ექნებათ, დააკვირდნენ საკუთარი ნერგის ზრდას და იზრუნონ მასზე.პროგრამის ფარგლებში შეიქმნა სპეციალური ელექტრონული პლატფორმა — cheminergi.eiec.gov.ge, სადაც ბავშვებს მშობლებისა და მასწავლებლების დახმარებით შეუძლიათ დარგული ნერგის შესახებ ინფორმაციის შეტანა და ფოტოს ატვირთვა. პლატფორმის საშუალებით შეიქმნება პროგრამის ფარგლებში დარგული ნერგების ერთიანი მონაცემთა ბაზა. პროგრამის განხორციელებაში ჩართული არიან საქართველოს გარემოს დაცვისა და სოფლის მეურნეობის სამინისტრო და მის სისტემაში შემავალი გარემოსდაცვითი ინფორმაციისა და განათლების ცენტრი, საქართველოს განათლების, მეცნიერებისა და ახალგაზრდობის სამინისტრო, ქალაქ თბილისის მუნიციპალიტეტის მერია და სახელმწიფო რწმუნებულების ადმინისტრაციები მთელი ქვეყნის მასშტაბით",-აღნიშნულია ინფორმაციაში. 

გარემოს დაცვისა და სოფლის მეურნეობის მინისტრმა დავით სონღულაშვილმა, საქართველოს პრეზიდენტ მიხეილ ყაველაშვილთან და პირველ ლედისთან, თამარ ბაგრატიონთან ერთად, კახეთის რეგიონში, ტარიბანას ველზე, „სვანიძის ზეთისხილის“ ბაღებში ზეთისხილის რთველში მიიღო მონაწილეობა. ინფორმაციას უწყების პრესსამსახური ავრცელებს.მათი ცნობით, 2026 წლის მოსავლის პროგნოზით, მსხმოიარე ბაღებიდან დაახლოებით 500-700 ტონა ზეთისხილის მიღებას ელოდებიან. კომპანია საკუთარ ბაღებში მოყვანილ მოსავალთან ერთად, საქართველოში ზეთისხილის მწარმოებელი ფერმერებისგანაც იბარებს ნაყოფს და მის გადამუშავებას უზრუნველყოფს. საწარმოს წარმადობა დღეში 80 ტონამდე ზეთისხილის ნაყოფს შეადგენს.„ზეთისხილის კულტურის განვითარებას საქართველოში მნიშვნელოვანი პოტენციალი აქვს. ბაღების ფართობის ზრდასთან ერთად, იზრდება მოსავლის მიღებისა და ადგილობრივი წარმოების განვითარების შესაძლებლობებიც, რაც ფერმერებს მოსავლის რეალიზაციის შესაძლებლობას აძლევს“, - აღნიშნა დავით სონღულაშვილმა.„სვანიძის ზეთისხილის“ ბაღებსა და საწარმოში სეზონურად 100-120 ადამიანია დასაქმებული, რომელთა დაახლოებით 95% ადგილობრივი მოსახლეობაა. საწარმო სხვადასხვა წლებში სარგებლობდა სოფლის განვითარების სააგენტოს მხარდაჭერით, მათ შორის, შეღავათიანი აგროკრედიტის, „დანერგე მომავლის“, ტექნიკური დახმარებისა და სასოფლო-სამეურნეო ტექნიკის თანადაფინანსების პროგრამებით. მხარდაჭერის ფარგლებში დაფინანსდა ბაღების გაშენება, ასევე ნიადაგის დასამუშავებელი და მოსავლის ამღები ტექნიკისა და დანადგარების შეძენა.გარდა ამისა, ტექნიკური დახმარების ფარგლებში, სოფლის განვითარების სააგენტოს თანადაფინანსებით, საწარმო ISO 22000-ის სტანდარტთან შესაბამისობის სერტიფიცირების პროცესს გადის. სოფლის განვითარების სააგენტოს პროგრამის „დანერგე მომავალი“ ფარგლებში, ზეთისხილის კულტურის გაშენება ქვეყნის მასშტაბით 25,7 მლნ ლარით, 3 720 ჰექტარზე თანადაფინანსდა. მათ შორის, კახეთის რეგიონში თანადაფინანსებამ 20 მლნ ლარი შეადგინა და 3 000 ჰექტარზე მეტ ფართობს მოიცავს.

სოფლის მეურნეობის სამეცნიერო-კვლევითი ცენტრის ჯიღაურას ბაზას ევროპული სამაგისტრო პროგრამის Vinifera EuroMaster-ის კონსორციუმის წარმომადგენლები ესტუმრნენ და ცენტრის საქმიანობის ძირითად მიმართულებებსა და მევენახეობა- მეღვინეობის სფეროში მიმდინარე სამეცნიერო-კვლევით პროექტებს გაეცნენ.უწყების პრესსამსახურის ცნობით, ვიზიტის ფარგლებში, სტუმრებმა ჯიღაურას ბაზაზე ვაზის საკოლექციო ნარგაობა, კვლევითი ლაბორატორიები და ვაზისა და ღვინის სამუზეუმო სივრცე დაათვალიერეს."განსაკუთრებული ყურადღება გამახვილდა ქართული ვაზის გენეტიკური რესურსების შესწავლის, ადგილობრივი ჯიშების მრავალფეროვნების, მათი დაცვისა და მდგრადი გამოყენების მნიშვნელობაზე.შეხვედრის ფარგლებში, ჯიღაურას ბაზაზე იშვიათი ქართული ვაზის ჯიშებისგან დამზადებული ღვინოების დეგუსტაცია გაიმართა, რამაც სტუმრებს ქართული მეღვინეობის მრავალფეროვნებისა და გამორჩეული მახასიათებლების გაცნობის შესაძლებლობა მისცა.Vinifera EuroMaster წარმოადგენს მევენახეობა-მეღვინეობის მიმართულებით ევროპულ სამაგისტრო პროგრამას, რომლის კონსორციუმშიც გაერთიანებული არიან დარგის წამყვანი აკადემიური და პროფესიული ინსტიტუტები",-აღნიშნულია ინფორმაციაში. 

ღვინის ეროვნული სააგენტოს ფინანსური მხარდაჭერით და ამერიკული კომპანიის „Big Sky Ranch Inc” ორგანიზებით, საქართველოს ამერიკელი ღვინის მაგისტრი ლისა პეროტი- ბრაუნი (Lisa Perrotti-Brown) სტუმრობდა. ინფორმაციას ღვინის ეროვნული სააგენტო ავრცელებს.მათი ცნობით, ლისა პეროტი-ბრაუნი ქართული ღვინის კომპანიებსა და მარნებს კახეთში ეწვია, სადაც ადგილზე დააგემოვნა მრავალფეროვანი ქართული ღვინოები, გაეცნო ღვინის დაყენების ქართულ ტრადიციებს."ღვინის მაგისტრმა თბილისში გამართულ სპეციალურ დეგუსტაციაზე 50-მდე ღვინის კომპანიის 100-ზე მეტი ღვინო დააგემოვნა და შეაფასა. ლისა პეროტი-ბრაუნი ვიზიტის შემდეგ, სტატიებს ქართულ ღვინოებზე ამერიკული გამომცემლობისთვის „The Wine Palate“ მოამზადებს. ონლაინ გამოცემა „The Wine Palate“ (ღვინის გემო) მოიცავს ექსპერტების მიერ შეფასებული ღვინოების მონაცემთა ბაზას მთელი მსოფლიოდან, განახლებადი მიმოხილვებით.ლისა პეროტი-ბრაუნი, ძირითადად, ამერიკულ და ბორდოს ღვინოებს, ასევე, შამპანურს მიმოიხილავს, რასაც გასულ წელს ქართული ღვინოებიც დაემატა. ღვინის მაგისტრი ლისა პეროტი-ბრაუნი ღვინის ინდუსტრიაში 25 წელზე მეტია მოღვაწეობს და ამერიკის ღვინის ინდუსტრიაში 100 ყველაზე გავლენიანი ადამიანიდან 47-ე ადგილზეა.ამერიკის შეერთებული შტატები ქართული ღვინის ერთ-ერთ სტრატეგიულ საექსპორტო ბაზარს წარმოადგენს. ღვინის ეროვნული სააგენტოს მხარდაჭერით, 2013 წლიდან განხორციელებულმა მიზანმიმართულმა მარკეტინგულმა აქტივობებმა მნიშვნელოვნად შეუწყო ხელი აშშ-ში ქართული ღვინის ცნობადობის და ექსპორტის ზრდას. მიმდინარე წლის 9 თვეში, საქართველოდან აშშ-ში ექსპორტირებულია 750 ათასამდე ლიტრი ღვინო, რაც გასული წლის ანალოგიური პერიოდის რაოდენობას 3%-ით აღემატება",-აღნიშნულია ღვინის ეროვნული სააგენტოს მიერ გავრცელებულ ინფორმაციაში. 

სურსათის ეროვნული სააგენტო სპეციალურ განცხადებას ავრცლებს."სურსათში სუდანის ჯგუფის აზო-საღებავების გამოვლენის მიზნით, სურსათის ეროვნულმა სააგენტომ, სახელმწიფო კონტროლის ფარგლებში, ქვეყნის მასშტაბით არსებული სხვადასხვა სარეალიზაციო ობიექტიდან სექტემბერში სუნელ-სანელებლის 44 ნიმუში აიღო. ლაბორატორიული კვლევა ლევან სამხარაულის სახელობის სასამართლო ექსპერტიზის ეროვნულ  ბიუროში  ჩატარდა.ლაბორატორიული კვლევის თანახმად, დარღვევა გამოვლინდა შემდეგ სურსათში: წითელი წიწაკა (დამზადების თარიღი: 21.05.2026 წელი, ვარგისიანობის მინიმალური ვადა: 21.05.2028) - მწარმოებელი შპს „Beyza Gida San Tic“,  აღმოჩნდა  Sudan I და Sudan IV;  სვანური მარილი (დამზადების თარიღი: 21.05.2026 წელი, ვარგისიანობის მინიმალური ვადა: 21.05.2028) - მწარმოებელი შპს ,,იგოეთი’’ (ს/კ 432549361; მის: კასპის რაიონი, სოფელი იგოეთი) - აღმოჩნდა Sudan I და Sudan IV; ფარშის საკმაზი (დამზადების თარიღი: 29.06.2026 წელი, ვარგისიანობის მინიმალური ვადა: 29.06.2028) - მწარმოებელი შპს „დაბი“ (ს/კ 401946392, მის: დიდი ლილო, ვარკეთილის მეურნეობა) - აღმოჩნდა  Sudan Red G; სვანური მარილი (დამზადების თარიღი: 15.09.2026 წელი, ვარგისიანობის მინიმალური ვადა: 15.09.2027 წელი) - მწარმოებელი შპს „ნთკ 2016“ (მის: ქობულეთის რ-ნი, სოფელი ქვედა კვირიკე/ბობოყვათის შესასვლელი) - აღმოჩნდა Sudan I. აღნიშნული დარღვევების გამო ბიზნესოპერატორებს აეკრძალათ დასახელებული სურსათის რეალიზაცია. სურსათის ეროვნული სააგენტოს ზედამხედველობით მიმდინარეობს სუნელ-სანელებლების ბაზრიდან ამოღება/გამოთხოვა.სააგენტო მოუწოდებს მომხმარებელს, თუ შეძენილი აქვს დასახელებული სურსათი, არ გამოიყენოს.სუდანის ჯგუფის საღებავები სურსათში ბუნებრივად არ გვხვდება. იგი მიეკუთვნება  ხელოვნური აზო-საღებავების ჯგუფს და  არ წარმოადგენს ნებადართულ საკვებდანამატს. სურსათში საღებავების: Sudan I; Sudan II; Sudan III; Sudan IV; Sudan orange G; Sudan Red G; Sudan Red 7 B და Sudan red B გამოყენება აკრძალულია.რისკზე დაფუძნებული სურსათის უვნებლობის სახელმწიფო კონტროლის ფარგლებში, 2026 წელს დაგეგმილია სხვადასხვა კატეგორიის სურსათის 177 ნიმუშის ლაბორატორიული გამოკვლევა სუდანის ჯგუფის საღებავების შემცველობაზე. დღეის მონაცემებით, მიმდინარე წელს სურსათის ეროვნულ სააგენტოს აღებული აქვს სუნელ-სანელებლის 94 ნიმუში. აკრძალული საღებავები გამოვლენილია 5 ნიმუშში,"-აღნიშნულია სააგენტოს მიერ გავრცელებულ ინფორმაციაში.

გარემოს დაცვისა და სოფლის მეურნეობის მინისტრი დავით სონღულაშვილი საქართველოს პრემიერ-მინისტრის ინიციატივით მიმდინარე ანაზღაურებადი სტაჟირების სამთავრობო პროგრამის მონაწილეებს შეხვდა.შეხვედრაზე დავით სონღულაშვილმა ახალგაზრდების პროფესიული განვითარების მნიშვნელობასა და სამინისტროს სისტემაში კვალიფიციური კადრების მოზიდვის აუცილებლობაზე ისაუბრა.„პრემიერ-მინისტრის ინიციატივა ახალგაზრდებს აძლევს შესაძლებლობას, ანაზღაურებადი სტაჟირება გაიარონ და პრაქტიკული გამოცდილება მიიღონ. აღნიშნული სტაჟირების პროგრამა ხელს უწყობს ახალგაზრდების პროფესიულ განვითარებასა და საჯარო სამსახურში კვალიფიციური კადრების მოზიდვას. გარემოს დაცვისა და სოფლის მეურნეობის სამინისტროსთვის განსაკუთრებით მნიშვნელოვანია დეფიციტური სპეციალობების მიმართულებით კვალიფიციური კადრების მოზიდვა. წარმატებას ვუსურვებ თითოეულ სტაჟიორს და დარწმუნებული ვარ, რომ მალე, ჩვენი გუნდის წევრებიც გახდებიან“, - აღნიშნა დავით სონღულაშვილმა.ანაზღაურებადი სტაჟირების სამთავრობო პროგრამა ახალგაზრდებს საჯარო სექტორში პროფესიული გამოცდილების მიღებისა და კარიერული განვითარების შესაძლებლობას აძლევს. პროგრამა ასევე ხელს უწყობს ახალგაზრდების პროფესიულ განვითარებასა და საჯარო სამსახურში კვალიფიციური კადრების მოზიდვას.2026 წლის 1 ოქტომბრიდან გარემოს დაცვისა და სოფლის მეურნეობის სამინისტროს სისტემაში სტაჟირებას 80 ახალგაზრდა გადის.აღსანიშნავია, რომ 2025 წლის 1 ოქტომბრიდან სამინისტროს სისტემაში სტაჟირება 87-მა ახალგაზრდამ გაიარა, რომელთაგან 32 სამინისტროს სისტემაში დასაქმდა.

გარემოს დაცვისა და სოფლის მეურნეობის მინისტრი დავით სონღულაშვილი მევენახეობისა და მეღვინეობის მიმართულებით მოქმედი საერთაშორისო საგანმანათლებლო კონსორციუმ EMaVE-ის წარმომადგენლებს შეხვდა.შეხვედრის ფარგლებში განსაკუთრებული ყურადღება დაეთმო საქართველოს მევენახეობა-მეღვინეობის დარგში საერთაშორისო გამოცდილების გაზიარების, განათლებისა და კვლევის გაძლიერებისა და მდგრადი მევენახეობის განვითარების საკითხებს.„ქართული ღვინის პოპულარიზაციისა და საექსპორტო პოტენციალის ზრდისთვის მნიშვნელოვანია აკადემიურ სექტორთან და საერთაშორისო პარტნიორებთან თანამშრომლობა, ცოდნისა და გამოცდილების გაზიარება. ვცდილობთ ყველა შესაძლებლობა გამოვიყენოთ იმისთვის, რომ ავითვისოთ ახალი ბაზრები, გავაუმჯობესოთ ქართული ღვინის ხარისხი და გავზარდოთ საექსპორტო ფასი”, - აღნიშნა დავით სონღულაშვილმა.EMaVE-ის კონსორციუმი აერთიანებს ევროპულ უნივერსიტეტებსა და საგანმანათლებლო დაწესებულებებს, რომლებიც მევენახეობისა და ენოლოგიის მიმართულებით ერთობლივ საერთაშორისო სამაგისტრო პროგრამას - Vinifera EuroMaster ახორციელებენ. პროგრამა მოიცავს მევენახეობის, ენოლოგიისა და ღვინის ინდუსტრიის ეკონომიკის მიმართულებებს და სტუდენტებს სხვადასხვა ქვეყნის აკადემიური და პრაქტიკული გამოცდილების გაზიარების შესაძლებლობას აძლევს.პროგრამის პარტნიორებს შორის არიან საქართველოში მოქმედი უნივერსიტეტები და აგრარული მიმართულების საგანმანათლებლო დაწესებულებები. მათი ჩართულობა ხელს უწყობს საერთაშორისო აკადემიური თანამშრომლობის გაღრმავებას, დარგში თანამედროვე ცოდნის გავრცელებასა და სამეცნიერო კვლევების განვითარებას.შეხვედრას კონსორციუმის წარმომადგენლები შვეიცარიიდან, იტალიიდან, გერმანიიდან, პორტუგალიიდან, ესპანეთიდან და საფრანგეთიდან, მათ შორის, ტურინის, გეიზენჰაიმის, ლისაბონის, მადრიდისა და მონპელიეს საგანმანათლებლო და სამეცნიერო დაწესებულებების წარმომადგენლები ესწრებოდნენ.

გარემოს დაცვისა და სოფლის მეურნეობის მინისტრმა დავით სონღულაშვილმა შვეიცარიის განვითარებისა და თანამშრომლობის სააგენტოს (SDC) მხარდაჭერით მიმდინარე ადგილობრივი ეკონომიკური განვითარების პროექტის (LEDP) ხელმძღვანელთან, როჯერ ოკლისთან შეხვედრა გამართა.შეხვედრაზე მხარეებმა საქართველოში პროექტის ფარგლებში მიმდინარე საქმიანობა, რეგიონების ეკონომიკური პოტენციალის გამოყენების შესაძლებლობები და სამომავლო თანამშრომლობის საკითხები განიხილეს. განსაკუთრებული ყურადღება დაეთმო სოფლის მეურნეობის სექტორში ჩაისა და ღვინის წარმოების განვითარებას, ადგილობრივი მწარმოებლების კონკურენტუნარიანობის ზრდასა და კოლხეთის ეროვნული პარკის მიმდებარე ტერიტორიაზე ეკოტურიზმის ხელშეწყობას.„რეგიონებში ეკონომიკური შესაძლებლობების გაძლიერებისთვის მნიშვნელოვანია, ადგილობრივ მწარმოებლებს ჰქონდეთ თანამედროვე ცოდნაზე, ფინანსურ რესურსებსა და ბაზრებზე წვდომა. ამ პროცესში განსაკუთრებული მნიშვნელობა აქვს სახელმწიფოს, საერთაშორისო პარტნიორებისა და კერძო სექტორის თანამშრომლობას. მსგავსი პროექტები ხელს უწყობს ადგილობრივი პროდუქციის კონკურენტუნარიანობის ზრდას, მცირე და საშუალო ბიზნესის გაძლიერებასა და რეგიონებში ახალი ეკონომიკური შესაძლებლობების შექმნას“, - აღნიშნა დავით სონღულაშვილმა.შვეიცარიის განვითარებისა და თანამშრომლობის სააგენტოს (SDC) მიერ დაფინანსებული ადგილობრივი ეკონომიკური განვითარების პროექტი (LEDP) მიზნად ისახავს რეგიონებში ეკონომიკური განვითარების ხელშეწყობას, ადგილობრივი მეწარმეების შესაძლებლობების გაძლიერებასა და ეკონომიკურ პროცესებში მათი ჩართულობის ზრდას.პროექტის ფარგლებში გურიისა და სამეგრელოს ჩაის მწარმოებლებს გაეწიათ მარკეტინგული და ბიზნეს მხარდაჭერა. შეიქმნა გაერთიანება „საქართველო - ჩაის რესპუბლიკა“, რომელიც 27 მწარმოებელს აერთიანებს და ქართული ჩაის პოპულარიზაციას ემსახურება. ქვემო ქართლში დაფუძნდა მეღვინეთა კავშირი, რომელიც 25 მეღვინეს აერთიანებს; მხარდაჭერა გაეწია სექტორის 59 წარმომადგენელს, გაიზარდა ადგილობრივი ღვინოების ცნობადობა და ბაზრებზე წვდომის შესაძლებლობები.პროექტი ასევე ხელს უწყობს კოლხეთის ეროვნული პარკის მიმდებარე ტერიტორიაზე ტურიზმის განვითარებას. ამ მიზნით შემუშავდა ხუთი ტურისტული მარშრუტი და განხორციელდა ორი საერთაშორისო სატესტო ტური.გარემოს დაცვისა და სოფლის მეურნეობის სამინისტროში გამართულ შეხვედრას მინისტრის მოადგილეები ლაშა დოლიძე და ლაშა ავალიანი, სოფლის განვითარების სააგენტოს დირექტორი ზურაბ გოზალიშვილი და შესაბამისი უწყებების წარმომადგენლები ესწრებოდნენ.

საქართველოს მთავრობის ინიციატივით მიმდინარე პროგრამის „ჩემი პირველი ნერგის“ ფარგლებში, მეორე დღეს პირველკლასელებმა 2 933 ნერგი დარგეს. გამწვანების ღონისძიებები ქედაში, შუახევში, ამბროლაურში, ონში, ცაგერში, კასპში, ბორჯომში, ახალციხეში, თიანეთსა და დუშეთში გაიმართა.პროგრამა ხის დარგვის საერთაშორისო დღეს დაიწყო და საქართველოს მასშტაბით 9 ნოემბრის ჩათვლით გაგრძელდება. მასში 41 000-ზე მეტი პირველკლასელი ჩაერთვება.„ჩემი პირველი ნერგი“ საქართველოს მთავრობის ინიციატივაა, რომლის მიზანია ადრეული ასაკიდან გარემოსდაცვითი ცნობიერების ამაღლება და ბავშვებში ბუნებაზე ზრუნვის პასუხისმგებლობის ჩამოყალიბება.პროგრამის ფარგლებში თბილისსა და საქართველოს ათივე რეგიონში პირველკლასელები საკუთარ პირველ ნერგს დარგავენ. ნერგების სახეობები რეგიონების კლიმატური პირობების გათვალისწინებით შეირჩა. მათ შორისაა ქართული მუხა, კავკასიური ცაცხვი, მინდვრის ნეკერჩხალი, კავკასიური და ელდარის ფიჭვი და სხვა სახეობები.თითოეული პირველკლასელისთვის გათვალისწინებულია ერთი ნერგი. ბავშვები უშუალოდ მონაწილეობენ დარგვის პროცესში, შემდგომ კი შესაძლებლობა ექნებათ, დააკვირდნენ საკუთარი ნერგის ზრდას და იზრუნონ მასზე.პროგრამის ფარგლებში შეიქმნა სპეციალური ელექტრონული პლატფორმა - cheminergi.eiec.gov.ge, სადაც ბავშვებს, მშობლებისა და მასწავლებლების დახმარებით, შეუძლიათ დარგული ნერგის შესახებ ინფორმაციის შეყვანა და ფოტოს ატვირთვა.პლატფორმის საშუალებით შეიქმნება პროგრამის ფარგლებში დარგული ნერგების ერთიანი მონაცემთა ბაზა.პროგრამის განხორციელებაში ჩართულია საქართველოს გარემოს დაცვისა და სოფლის მეურნეობის სამინისტრო და მის სისტემაში შემავალი გარემოსდაცვითი ინფორმაციისა და განათლების ცენტრი, საქართველოს განათლების, მეცნიერებისა და ახალგაზრდობის სამინისტრო, ქალაქ თბილისის მუნიციპალიტეტის მერია და სახელმწიფო რწმუნებულების ადმინისტრაციები მთელი ქვეყნის მასშტაბით.

სახელმწიფო პროგრამაში ჩართულმა ხილის გადამამუშავებელმა 9 საწარმომ 2,195 ტონა არასტანდარტული ვაშლი ჩაიბარა. შედეგად, ფერმერებმა  554,000 ლარზე მეტი შემოსავალი მიიღეს, მათ შორის სახელმწიფო სუბსიდია 219,500 ლარს აჭარბებს.„არასტანდარტული ვაშლის რეალიზაციის ხელშეწყობის“ სახელმწიფო პროგრამა მოსავლის დაბინავების პროცესში ფერმერთა ხელშეწყობის მიზნით, მიმდინარე წლის  13 ოქტომბერს ამოქმედდა.სახელმწიფო პროგრამის ფარგლებში, არასტანდარტულ ვაშლს იბარებენ, ხილის გადამამუშავებელი საწარმოები შიდა ქართლის, ქვემო ქართლის, სამცხე-ჯავახეთის, მცხეთა-მთიანეთის და რაჭა-ლეჩხუმი ქვემო სვანეთის  რეგიონში.სახელმწიფო პროგრამის ფარგლებში, სუბსიდია 1 კგ არასტანდარტულ ვაშლზე 10 თეთრს შეადგენს. პროგრამაში ჩართვა შეუძლია ხილის გადამამუშავებელ ყველა იმ საწარმოს, რომლებიც 2026 წლის 18 დეკემბრამდე, მეხილეობის სფეროში დასაქმებული ფიზიკური პირებისგან 1 კგ არასტანდარტულ ვაშლს არანაკლებ 25 თეთრად შეისყიდის.არასტანდარტული ვაშლის ორგანიზებულად ჩაბარების უზრუნველსაყოფად, გარემოს დაცვისა და სოფლის მეურნეობის სამინისტროს გადაწყვეტილებით, ფუნქციონირებს  საკოორდინაციო შტაბი.