ირაკლი კობახიძე - რეგიონული განვითარება ჩვენი ერთ-ერთი უმთავრესი პრიორიტეტია

"გასულ წელს აგრობიზნესის გამოშვება ₾1 მლრდ-ით გაიზარდა, აგროსასურსათო პროდუქციის ექსპორტის მოცულობამ $1.7 მლრდ-ი შეადგინა, რაც რეკორდული მაჩვენებელია"

სოფლის მეურნეობის განვითარებაში გვაქვს მნიშვნელოვანი მიღწევები - აგრობიზნესის გამოშვება გაიზარდა გასულ წელს 1 მილიარდი ლარით, - ამის შესახებ საქართველოს პრემიერ-მინისტრმა ირაკლი კობახიძემ პარლამენტში ყოველწლიური მოხსენებით გამოსვლისას განაცხადა.პრემიერის თქმით, აგროსასურსათო პროდუქციის ექსპორტის მოცულობამ შეადგინა 1,7 მილიარდი დოლარი, რაც რეკორდული მაჩვენებელია.„რაც შეეხება  სოფლის მეურნეობას და სოფლის განვითარებას, აქაც გვაქვს მნიშვნელოვანი მიღწევები საანგარიშო პერიოდის განმავლობაში. აგრობიზნესის გამოშვება გაიზარდა გასულ წელს 1 მილიარდი ლარით. 2023 წლის მაჩვენებელი იყო  16,6 მილიარდი, გასული წლის მაჩვენებელი არის 17,6 მილიარდი. რაც შეეხება აგროსასურსათო პროდუქციის ექსპორტს, ის ხორციელდება მსოფლიოს 107 ქვეყანაში. გეოგრაფიული დაფარვა და არეალიც მუდმივად ფართოვდება. მთლიანობაში, ექსპორტის მოცულობამ შეადგინა 1,7 მილიარდი დოლარი, რაც არის ასევე რეკორდული მაჩვენებელი. 2023 წელთან შედარებით, ეს მაჩვენებელი გაიზარდა 250 მლნ დოლარზე მეტით, მათ შორის ევროკავშირის ქვეყნებში 180 მლნ დოლარის ექსპორტი განხორციელდა, რაც არის 11%-იანი მატება 2023 წლის მაჩვენებელთან შედარებით“, - განაცხადა პრემიერმა.მთავრობის მეთაურის თქმით, სოფლის მეურნეობის სფეროში გრძელდება სხვა მნიშვნელოვანი პროექტების განხორციელება.„ერთ-ერთი არის შეღავათიანი აგროკრედიტის პროექტი, სადაც გაიცა 889 მლნ ლარის 5218 სესხი 4578 ბენეფიციარზე. ეს პროექტი მნიშვნელოვნად უწყობს ხელს სოფლის მეურნეობის განვითარებას. ასევე, მნიშვნელოვანია აგროდაზღვევის პროგრამა. აქ 6176 უნიკალურ ბენეფიციარზე გაიცა 10 849 პოლისი, გასული წლის განმავლობაში.„დანერგე მომავალი“, ეს არის ძალიან მნიშვნელოვანი პროგრამა. 395 უნიკალური ბენეფიციარი დაფინანსდა 43 მლნ ლარით, საიდანაც სახელმწიფო თანადაფინანსებამ შეადგინა 20 მლნ ლარზე მეტი. მხარდაჭერამ მოიცვა 2400 ჰა-ზე მეტი მიწის ფართობი მთელი ქვეყნის მასშტაბით.მაღალმთიან დასახლებებში გვაქვს სამეწარმეო საქმიანობის ხელშეწყობის პროგრამა. ბიუჯეტი გასულ წელს შეადგენდა 9 მლნ ლარს. მერძევეობის დარგის მოდერნიზაციისა და ბაზარზე წვდომის პროგრამას დაეთმო 24 მლნ ლარი“, - განაცხადა პრემიერმა.

"მომხმარებელთა რაოდენობა 50%-ით გაიზარდა" - "გახელაძის მარანი"

კასპის რაიონ სოფელ ქვემოჭალაში მდებარე "გახელაძის მარნის"  დამფუძნებლის, ვიქტორ გახელაძის ინფორმაციით, მომხმარებელთა რაოდენობა 50%-ით გაიზარდა, რაც კმაყოფილ ვიზიტორებსა და ღვინის ხარისხს უკავშირდება.როგორც მარნის დამფუძნებელი აღნიშნავს, კომპანია სექტემბრის ბოლოს ადგილობრივ ბაზარზე გააქტიურებას გეგმავს. კერძოდ, აქამდე  "გახელაძის მარნის" მიერ წარმოებული ღვინოების დაგემოვნება/შესყიდვა მხოლოდ მარანში მისულ ვიზიტორს შეეძლო, ახლა კი "გახელაძის მარნის" მიერ წარმოებული პროდუქცია, ღვინის მაღაზიებშიც გაიყიდება."ამ ეტაპზე, ნახევარი ჰექტარი ვენახი გვაქვს, ყურძენს ადგილობრივი მოსახლეობისგანაც ვყიდულობთ. მხოლოდ მხოლოდ, მიკრო ზონის დამახასიათებელი ჯიშები გვაქვს ესენია: ჩინური გორული მწვანე, შავკაპიტო, პინო ნუარი და თავკვერი. ღვინოს ევროპული წესით ვამზადებთ. ამჟამად, 4 სახის ღვინოს ვაწარმოებთ. ჩვენი სოფელში ფილმი "შერეკილებია" გადაღებული და აღნიშნული ფილმის თემატიკა გვინდოდა, რომ გაგვეცოცხლებინა, ამიტომ ღვინის ეტიკეტზე გადმოვიტანეთ.გაყიდვების მიმართულებას, რაც შეეხება - ვფართოვდებით. კერძოდ, მოლაპარაკების რეჟიმში ვართ, მაგალითად,  ღვინის მაღაზია Alcorium-თან და კიდევ 2 ღვინის სპეციფიკური მაღაზიის წარმომადგენელთან. აღნიშნულ 3 ღვინის მაღაზიაში მაქსიმუმ სექტემბერში უკვე წარმოდგენილი ვიქნებით. ექსპორტი, ამ ეტაპზე არ გვაქვს, რადგან პირველ რიგში, გვინდა ადგილობრივი ბაზარი მოვიცვათ და განვითარდეთ. ვიზიტორებს რაც შეეხება, უფრო რუსი და უკრაინელი ვიზიტორები გვსტუმრობენ, ევროპელები ნაკლებად. წელიწადში დაახლოებით, 3 500 ბოთლ ღვინოს ვაწარმოებთ და მომავალ წელს 5 000 ბოთლამდე გაზრდას ვვარაუდობთ. წინა წლის ანალოგიურ პერიოდთან შედარებით, მომხმარებელთა რაოდენობა 50%-ით გაიზარდა, საინტერესო შედეგია", - აღნიშნავს ვიქტორ გახელაძე.ცნობისთვის, კასპის რაიონ სოფელ  ქვემოჭალაში მდებარე "გახელაძის" მარანი ადგილობრივ ბაზარზე 3 წელია ოპერირებს.bp.ge 

"ქართული ღვინო იაპონურ საჭმელებს ძალიან შეეფერება და ინტერესიც გაზრდილია" - ექიმის ბიო მარანი

უცხოურ, კერძოდ, იაპონურ ბაზარზე ქართული ღვინის ცნობადობა გაზრდილია. როგორც "ბიზნესპარტნიორთან" გურჯაანის მუნიციპალიტეტში, სოფელ ჩუმლაყში მდებარე, ექიმის ბიო მარნის დამფუძნებელი, მარინა კაკიაშვილი რუაძე აღნიშნავს, ქართული ღვინო იაპონურ საჭმელებს ძალიან შეეფერება, შესაბამისად, უცხოელი მომხმარებლების დაინტერესებაც გაზრდილია.მარნის დამფუძნებლის აზრით, უცხოეთის ბაზარზე სწორი მარკეტინგული კუთხით აქტიური მუშაობა აუცილებელია."ქართული ღვინო იაპონურ საჭმელებს ძალიან შეეფერება. შესაბამისად, უცხოურ ბაზარზე ჩვენი პროდუქტი დღითიდღე უფრო მოთხოვნადი ხდება. ამ ყველაფრის პოპულარიზაციას საქართველოს საელჩო იაპონიაში და ღვინის ეროვნული სააგენტო ძალიან ეწევა. ქართული ღვინო იაპონიაში უკვე ცნობილია... განსხვავებული გემოვნური თვისებები, ისტორია დიდ როლს თამაშობს, ცხადია, უცხოელი ბაზრის მომხმარებლები ამ ყველაფრით ინტერესდებიან. მოგეხსენებათ იაპონელები ტრადიციული ხალხია და სხვის კულტურასაც აფასებენ. ჩინური ბაზარიც არანაკლებ მნიშვნელოვანია, ჩამოთვლილი კომპონენტების ერთად შეკვრით კი, ქართული ღვინო უცხოელებისთვის ღირებულია.ამავდროულად განსაკუთრებით მნიშვნელოვანია - მარკეტინგული ჩართულობა. კერძოდ, რაც მეტი იქნება საქართველოს მხრიდან, უცხოური ბაზრის მიმართულებით მარკეტინგული სტრატეგიის დაგეგმვა მით უკეთესია. განსაკუთრებით უნდა გამოვყო, მცირე მარნები, მათ განსაკუთრებით სჭირდებათ სახელმწიფოს მხრიდან ხელის შეწყობა. ძალიან კარგი საკონსულტაციო სერვისებია, მაგრამ უშუალოდ სხვადასხვა, აღჭურვის გრანტები, პროექტები, რომ იყოს ძალიან კარგი იქნებოდა", - აღნიშნავს მარინა კაკიაშვილი რუაძე.მარინა კაკიაშვილი საკუთარი ღვინის შესახებაც საუბრობს და აღნიშნავს, რომ წლის განმავლობაში წარმოებული - 5 000 ბოთლიდან ნახევარი ინგლისში გადის, მეორე ნახევარი კი, სწორედ იაპონიაში იყიდება."საკუთარი ვენახი მაქვს, რომელიც 1 ჰექტარს მოიცავს. მცირე მეწარმეობას ვეწევი, თუმცა ორიენტირებული ვარ, რომ პრემიუმ ხარიხის ღვინო ვაწარმოო. ჯამში 3 ჯიშის ყურძნისგან 5 სახეობის ღვინოს ვიღებ. კერძოდ, გაშენებული მაქვს: რქაწითელი, საფერავი და ხიხვი, ხოლო ვაწარმოებ: საფერავს, რქაწითელს, ევროპულად დაყენებულ საფერავს და როზეს. მინდა გითხრათ, რომ მომხმარებლების მხრიდან, თითქმის ყველა ღვინოზე მოთხოვნა საკმაოდ დიდია. ამჟამად, წარმადობა გავზარდე და 5 000 ბოთლამდე ღვინოს ვაწარმოებ. ამ ყველაფრის პარალელურად, მომხმარებელთა რაოდენობა გაიზარდა.ექსპორტს რაც შეეხება, იაპონიასა და ინგლისში გავდივარ. 5 000 ბოთლიდან ნახევარი ინგლისში იყიდება და ნახევარი -  იაპონიაში. უცხოეთის ბაზარზე კონკურენცია დიდია, თუმცა მე ბუნებრივ, ბიო ღვინოს ვაწარმოებ, რაც იმას ნიშნავს, რომ ვენახის მოვლა ყოველგვარი ქიმიური ქიმიკატების გარეშე ხდება, როგორი ხასიათის ღვინოც ჩამოყალიბდება ზუსტად ისეთია", - აცხადებს მარნის დამფუძნებელი.ცნობისთვის, გურჯაანის მუნიციპალიტეტში, სოფელ ჩუმლაყში მდებარე, ექიმის ბიო მარნის ვენახი 1 ჰექტარზეა გაშენებული.შეგახსენებთ, რომ საქართველოს საგანგებო და სრულუფლებიანმა ელჩმა იაპონიაში, თეიმურაზ ლეჟავამ “ბიზნესპარტნიორთან” ინტერვიუში განაცხადა, რომ ქართული ღვინის უნიკალური ისტორია საკმარისი არ არის და აღნიშნულ ქვეყანაში მარკეტინგული კომუნიკაცია სტრატეგიულად უნდა დაიგეგმოს.bp.ge 

"პასუხისმგებლობა ყველამ უნდა აიღოს, რომ ბიოლოგიურად სუფთა ყურძენი აწარმოოს" - მარანი "ველისციხური"

გურჯაანის მუნიციპალიტეტ სოფელ ველისციხეში მდებარე მარანი "ველისციხურის" დამფუძნებელი, მაია არუთინოვი "ბიზნესპარტნიორთან" აცხადებს, რომ პასუხისმგებლობის აღება აუცილებელია, კერძოდ, ნებისმიერმა მწარმოებელმა არა მხოლოდ, ყურძენი, არამედ ყველა პროდუქტი ბიოლოგიურად სუფთად, ზედმეტი შხამქიმიკატების გარეშე უნდა აწარმოოს. მაია არუთინოვის ინფორმაციით, საქართველოში ბიო მევენახეობის განვითარება აუცილებელია, თუმცა ამ ეტაპზე, მარანი "ველისციხური" აღნიშნული მიმართულებით დაკავებული არ არის, რადგან სოფელში მოსახლეების უმრავლესობას ვენახი გაშენებული მიჯრით აქვს და ყურძენს ყველა წამლავს."ყურძენს მხოლოდ და მხოლოდ, ჩვენი ვენახიდან ვიღებთ. წელიწადში დაახლოებით, 10 000  ბოთლ ღვინოს ვაწარმოებთ. სულ 8 სახის ღვინო გვაქვს: საფერავი, რქაწითელი, ქისი, ხიხვი, ალადასტური და ქისი ევროპულად დამზადებული. განსაკუთრებული პოპულარობით არც ერთი მათგანი არ სარგებლობს, რადგან ეს ყველაფერი ინდივიდუალურია, ზოგს მშრალი, ქვევრის ღვინო მოსწონს, ზოგს ევროპული წესით დამზადებული - მომხმარებლის გემოვნებაზეა დამოკიდებული. წარმადობის გაზრდას, რაც შეეხება, თუ მოთხოვნა გაიზრდება, ცხადია, ადეკვატურად ვიმოქმედებთ. ზოგადად, ღვინოს ადგილზე ვიზიტორებზე ვყიდით, ამ ეტაპზე, ადგილობრივ ბაზარზე წარმოდგენილი არ ვართ.ჩვენ ბიო მევენახეობა არ გვაქვს, რადგან ჩვენი სოფელი მცირე მიწიანია. კიდევ უფრო, რომ დავაზუსტო, ვენახი მიჯრით გვაქვს და ყველა წამლავს. შესაბამისად, ბიო მევენახეობის წარმოების საშუალება ნამდვილად არ გვაქვს. საქართველოში ბიო მევენახეობის განვითარება ძალიან მნიშვნელოვანია, რადგან ფაქტობრივად ჯანსაღ პროდუქტს ვეღარ ვიღებთ. რა თქმა უნდა, როდესაც ჯანსაღია ყურძენი, კარგია. რაღაცნაირად ვცდილობთ, ვენახში ბიო მევენახეობასთან მიახლოებული წამლები გამოვიყენოთ, მაგრამ მთავარი ამბავია, რომ 10 ჰექტარზე არავინ უნდა შეწამლოს ვენახი, როდესაც რეალობა სულ სხვაა - ჩვენც ბიო არ გამოგვდის. მნიშვნელოვანია, რომ ამ მიმართულებით, პასუხისმგებლობა ყველამ აიღოს და ბიოლოგიურად სუფთა ყურძენი აწარმოოს. მინდა გითხრათ, რომ არა მხოლოდ ყურძენი, არამედ ხილი და ნებისმიერი პროდუქტი. უცხოელებს და არა მხოლოდ, ყველას ბიო პროდუქტი აინტერესებს. აღნიშნული ვფიქრობ, სწორი მიდგომაა - ნაკლებად შეწამლული, ბიოლოგიურად პროდუქტი  შეძენა ყველას სურს", - აღნიშნავს მაია არუთინოვი.ცნობისთვის, "მარანი ველისციხური" გურჯაანის მუნიციპალიტეტ სოფელ ველისციხეში მდებარეობს, სადაც 8 სახის ღვინის წარმოება ხდება. ვენახი კი, 10 ჰექტარს მოიცავს.bp.ge 

"მომავალ წელს იტალიის ბაზარზე გასვლას ვგეგმავთ" - "მარანი ველისციხური"

გურჯაანის მუნიციპალიტეტ სოფელ ველისციხეში მდებარე "მარანი ველისციხურის" დამფუძნებლის, მაია არუთინოვის ინფორმაციით, ექსპორტის მიმართულებით სიახლე აქვს, კერძოდ, მომავალ წელს, "ველისციხურის" ღვინო იტალიის ბაზარზე იქნება წარმოდგენილი.როგორც მარნის დამფუძნებელი "ბიზნესპარტნიორთან" აღნიშნავს, იტალიელ პარტნიორებს განსაკუთრებით კახური ტრადიციული ქვევრის ღვინო მოსწონთ."ყურძენს მხოლოდ და მხოლოდ, ჩვენი ვენახიდან ვიღებთ. წელიწადში დაახლოებით, 10 000  ბოთლ ღვინოს ვაწარმოებთ. სულ 8 სახის ღვინო გვაქვს: საფერავი, რქაწითელი, ქისი, ხიხვი, ალადასტური და ქისი ევროპულად დამზადებული. განსაკუთრებული პოპულარობით არც ერთი მათგანი არ სარგებლობს, რადგან ეს ყველაფერი ინდივიდუალურია, ზოგს მშრალი, ქვევრის ღვინო მოსწონს, ზოგს ევროპული წესით დამზადებული - მომხმარებლის გემოვნებაზეა დამოკიდებული. წარმადობის გაზრდას, რაც შეეხება, თუ მოთხოვნა გაიზრდება, ცხადია, ადეკვატურად ვიმოქმედებთ. ზოგადად, ღვინოს ადგილზე ვიზიტორებზე ვყიდით, ამ ეტაპზე, ადგილობრივ ბაზარზე წარმოდგენილი არ ვართ.ექსპორტის მიმართულებაზე, რომ გესაუბროთ. საზღვარგარეთ ჯერჯერობით, არ გავდივართ, თუმცა იტალიიდან შემოთავაზება გვაქვს. პოტენციურმა პარტნიორებმა ჩვენგან 250 ბოთლი ღვინო უკვე წაიღეს და ძალიან კარგი გამოხმაურება გვქონდა. უკვე გაისად შეკვეთა გვექნება, თუ რამდენს დავამზადებთ და რა სახის ღვინოს წაიღებენ. ვფიქრობ, მომავალ წელს აღნიშნულ ბაზარზე გავალთ. იტალიელ პარტნიორებს უფრო კახური ტრადიციული, ქვევრის ღვინო მოსწონთ, როგორიცაა რქაწითელი, ქისი და საფერავი", - აღნიშნავს მარნის დამფუძნებელი.მაია არუთინოვმა ტურისტების ნაკადზე ისაუბრა და აღნიშნა, რომ ვიზიტორების რაოდენობა 50%-ით შემცირდა, რასაც ველისციხეში გზის სარეაბილიტაციო სამუშაოებს უკავშირებს."ტურისტული ნაკადი შემცირდა, წინა წლის ანალოგიურ პერიოდთან შედარებით, ვიზიტორების რაოდენობა განახევრებულია. უცხოეთიდან სტუმრები, როგორც პოსტ საბჭოური ქვეყნებიდან, ასევე ევროპიდან მოდიან. სტუმრების ძირითადი რაოდენობა 80% უცხოელია, დანარჩენი მცირე ნაწილი 30% კი, ადგილობრივ მოსახლეობაზე მოდის. ტურისტების მრავალფეროვნება გვაქვს, ვიზიტორების რაოდენობას არ ვუჩივით, უბრალოდ, ახლა გზის პრობლემაა.მინდა გითხრათ, რომ ძალიან კარგი ღვინო გვაქვს - ჩვენთან ექსკურსიების ნაკადიც ხშირად მოდის, განსაკუთრებით ხშირად თბილისიდან გვსტუმრობენ.  ბავშვები მარანს ნახულობენ, დროში 18 საუკუნეში მოგზაურობენ, ვაჩვენებთ, თუ როგორ იწურებოდა ღვინო, ჩურჩხელის ამოვლებაში მონაწილეობას იღებენ, ღვინის ჩანჩქერი გვაქვს, რასაც სხვაგან ვერსად ნახავთ და ა.შ. უნდა აღვნიშნო, რომ საერთო ვიზიტორების ჭრილში ექსკურსიების წილი 15%-ია", - აღნიშნავს მარნის დამფუძნებელი.ცნობისთვის, "მარანი ველისციხური" გურჯაანის მუნიციპალიტეტ სოფელ ველისციხეში მდებარეობს, სადაც 8 სახის ღვინის წარმოება ხდება. ვენახი კი, 10 ჰექტარს მოიცავს.bp.ge