აგროპარტნიორი
•
1751443364
სამცხე-ჯავახეთის სატყეო სამსახურის თანამშრომლებმა, ბაკურიანში სახელმწიფო ტყის ტერიტორიაზე 6 კუბურ მეტრამდე პირველი ხარისხის სამასალე მერქანის უკანონოდ მოპოვების ფაქტი გამოავლინეს. ამის შესახებ ინფორმაციას ეროვნული სატყეო სააგენტო ავრცელებს.
"ადგილობრივი სამართალდამრღვევის მიმართ შედგა ადმინისტრაციული სამართალდარღვევის ოქმი. ხოლო, უკანონოდ მოპოვებული სამასალე მერქანი გადატანილია წაღვერის საქმიან ეზოში,"- აღნიშნულია ინფორმაციაში..
ნებისმიერი უცხოური ღვინის ბაზარზე, მათ შორის, იაპონიასა და ჩინეთში ქართულ ღვინოს ძალიან დიდი პოტენციალი აქვს. როგორც იმერეთში, ჭიათურის რაიონ სოფელ ზოდში მდებარე მარან "ზოდი"-ს დამფუძნებელი, მეღვინე, გიგა ჭიღლაძე "ბიზნესპარტნიორთან" აღნიშნავს, ქართულ ღვინოს განსხვავებული გემოვნური თვისებები აქვს, რაც უცხოელ პოტენციურ მომხმარებლებს აინტერესებთ."ჩვენი უნიკალურობით და ღვინის გემოვნური თვისებებით ნებისმიერ ბაზარზე შეგვიძლია, თავი დავიმკვიდროთ. რა თქმა უნდა, ზემოთ ჩამოთვლილი საკუთარ ნიშად უნდა ვაქციოთ და უცხოურ ღვინის ბაზრებზე თავი ღირსეულად დავიმკვიდროთ. კონკურენციის ჭრილში, რომ ვისაუბროთ, უცხოურ ბაზარზე კონკურენცია - ყოველთვის ძალიან დიდია, თუმცა ევროპულ ბაზარზე, ჩვენი უნიკალურობა და ხარისხი ნიშად უნდა დამკვიდრდეს შემდეგ, ფასზე აქცენტის გაკეთებას ვეღარ შეძლებენ, მოგეხსენებათ, ხშირად ამბობენ, რომ უცხოურ ბაზარზე ქართული ღვინო, სხვა ქვეყნის პროდუქტთან შედარებით უფრო ძვირია.ჩვენ რაც შეგვეხება, ამჟამად, უცხოეთში ექსპორტი გვაქვს: კანადაში, გერმანიაში, პორტუგალიაში. ნიდერლანდებში დეგუსტაციები გავიარეთ, რაც დიდი წინ გადადგმული ნაბიჯია. ზოგადად, რაც უფრო გავფართოვდებით და ბევრ ქვეყანას მოვიცავთ ყველასთვის სასიკეთოა", - გიგა ჭიღლაძე.ცნობისთვის, იმერეთში, ჭიათურის რაიონ სოფელ ზოდში მდებარე მარანი "ზოდი", 2019 წელს აშენდა, ღვინის ბაზარზე კი, 2021 წლიდან ოპერირებს.bp.ge
ქართული ღვინის ცნობადობა იზრდება, ახალ პარტნიორებთან დაკავშირების დროს ბევრი ახსნა აღარ გვჭირდება ვინ ვართ და რას წარმოვადგენთ, - ამის შესახებ საოჯახო მარანი "გოცირიძის მეღვინეობის" თანადამფუძნებელმა ანდრო გოცირიძემ "ბიზნესპარტნიორთან" განაცხადა.მისივე ინფორმაციით, ქართული ღვინო ხარისხობრივად ევროპისა და ამერიკის მოთხოვნებს აბსოლუტურად აკმაყოფილებს."ჩვენ ვაწარმოებთ ბიო ღვინოს, ქიმიკატების გარეშე, ჰერბიციდებსაც არ ვიყენებთ და შესაბამისად, ღვინოც ბიოლოგიურად სუფთა და მაღალი ხარისხის არის. მეღვინეობის წლიური წარმადობა 4 000 – 5 000 - ბოთლამდეა. ჩვენი ღვინოები ადგილობრივ ბაზარზე - „8000 მოსავალში“ და სხვა სპეციალიზებულ ღვინის მაღაზიებში იყიდება. ეს უფრო ბუტიკური ღვინოა, ვიდრე მასობრივი მოხმარების. გარდა ამისა, ჩვენი ღვინოები „8000 მოსავლის“ ქსელში არამხოლოდ საქართველოში, არამედ გერმანიაშიც არის წარმოდგენილი.ვაპირებთ, რომ წლევანდელი მოსავლით უცხოურ ბაზრებზე გავიდეთ. ჩვენი სამიზნე ბაზრებია ევროპა და აშშ. ამჟამად მოსამზადებელი პერიოდი გვაქვს, რომ იქაურ ბაზრებზე შეღწევა მოვახერხოთ. გვაქვს გარკვეული საუბრები გერმანიასთან, პოლონეთთან და გეგმაში გვაქვს, რომ ამ ბაზრებზე მომდევნო წელს აუცილებლად მოვხვდეთ. კარგი იქნება, თუ ექსპორტზე ჩვენი წარმოების 20-30% გაიყიდება. ჩვენი ღვინოები საშუალო საფასო კატეგორიაშია და ადგილობრივ ბაზარზე არსებულ მაღაზიებში 35 ლარიდან 45 ლარამდე ღირს.რაც შეეხება აზიურ ბაზრებს - ესეც ძალიან მიმზიდველი ბაზრებია, თუმცა ჩვენ მცირე მოცულობის ღვინო გვაქვს და ამ ტიპის ღვინოებს ევროპულ ღვინის მაღაზიებსა და რესტორნებში უფრო სცემენ პატივს. ვფიქრობთ, რომ ერთადერთი ბაზარი, რომელიც პოლიტიზებულია და ქართული პროდუქციისთვის საფრთხეებს შეიცავს, რუსეთია", - აცხადებს ანდრო გოცირიძე.ცნობისთვის, საოჯახო მარანი „გოცირიძის მეღვინეობა“ სოფელ ართანაში მდებარეობს. ამ ბრენდის ქვეშ საოჯახო მეურნეობა ბაზარზე 2020 წლიდან გამოჩნდა. მეღვინეობას ვენახები სოფელ ართანასა და წინანდალში აქვს, სადაც რამდენიმე ჰა-ზე გაშენებულია ისეთი ჯიშის ვაზი, როგორიცაა: ვარდისფერი და მუსკატური რქაწითელი, საფერავი და ასევე, ფრანგული ჯიში - კაბერნე სოვინიონი. მარანი ღვინოს ძირითადად ქვევრში აყენებს.bp.ge
იმერეთში, სოფელ გურნაში მდებარე "გურნელების მარნის" დამფუძნებლის, მამუკა კაკუშაძის ინფორმაციით, იაპონელებს, ჩინელებსა და ზოგადად, უცხოელებს ქართული ქვევრის ღვინო ძალიან მოსწონთ, რადგან მათთვის ახალ გემოსთან ვასოცირდებით.როგორც მამუკა კაკუშაძე "ბიზნესპარტნიორთან" აღნიშნავს, ქართული ღვინო გემოს სპეციფიკით ძალიან განსხვავებულია, ეს კი, უცხოელ მომხმარებლებში დიდ დაინტერესებას იწვევს.„ქართული ღვინისთვის უცხოური ბაზრები ძალიან მნიშვნელოვანია, პირველ რიგში, დივერსიფიკაციის კუთხით. მაგალითად, შარშანდელი მონაცემებით, ჩვენი ღვინის დაახლოებით 65% რუსეთის ფედერაციაში გავიდა. რუსეთის ფედერაციის, ან კონკრეტულად რომელიმე ქვეყნის წილი მაქსიმუმ 30%-ს არ უნდა აღემატებოდეს, წინააღმდეგ შემთხვევაში, ბაზრის მონოპოლიზაცია ხდება. შემდეგ შეიძლება, აღნიშნულ ბაზარზე, რაღაც მოხდეს, მაგალითად, შეზღუდვა შემოიღონ, გარკვეული ბარიერები შეიქმნას - ეს ყველაფერი კი, ჩვენს ეკონომიკას ჩამოშლის. ქართული ღვინო, რაც უფრო მეტ ქვეყანაში გავა, ეს იქნება - ჩინეთი, იაპონია, სამხრეთ კორეა, ევროპის ქვეყნები, თუ აშშ ჩვენი მევენახეობისთვის უკეთესია.რაც შეეხება, რატომ ღვინის კერძებთან შეხამება, ეს ზოგადი პრინციპია. აქ უფრო აქცენტი ახალ გემოებზე კეთდება. როგორც იაპონელებს, ასევე ჩინელებს განსაკუთრებით მოეწონებათ, მათთვის ახალი გემოა - ქართული, განსაკუთრებით ქვევრის ღვინო. ჩვენი ღვინო ხომ გემოს სპეციფიკით ძალიან განსხვავებულია, ეს კი, დიდ დაინტერესებას იწვევს. მეორე მნიშვნელოვანი აქცენტი - ბიო მეღვინეობაა, რომელსაც ძალიან დიდი მომავალი აქვს. ამ კუთხით, ვფიქრობ, ზრდა ნახტომისებური იქნება“, - განაცხადა მამუკა კაკუშაძემ.ცნობისთვის, ღვინის ეროვნული სააგენტო ინფორმაციით, 12 მაისს ტოკიოში ქართული ღვინის წარდგენა გაიმართა. მათივე ცნობით, იაპონიაში, ქართული ღვინის ექსპორტი მზარდია; მაგალითად, მიმდინარე წლის 4 თვეში, საქართველოდან იაპონიაში ექსპორტირებულია 71 ათას ლიტრამდე ღვინო, რაც გასული წლის ანალოგიურ მაჩვენებელს, 21%-ით აღემატება.bp.ge
ჭიათურაში მდებარე, ღვინის მწარმოებელი კომპანია „სოლომონე“-ს დამფუძნებლის, დავით ჩაჩანიძის ინფორმაციით, იაპონელების უმეტესობას ქართული ქვევრის ღვინო ძალიან მოსწონთ, რადგან მათ ტრადიციულ კერძებს შეეფერება.როგორც დავით ჩაჩანიძე „ბიზნესპარტნიორთან“ აღნიშნავს, შორეულ ქვეყანაში (იაპონიაში) ქართული ღვინის ექსპორტი ძალიან მნიშვნელოვანია.„იაპონიაში, ქართული ღვინის ექსპორტი, ძალიან აქტუალური გახდა, რაც დადებითად შემიძლია, შევაფასო. ყველა ბაზარი საინტერესოა, მით უმეტეს მზარდი რომელიცაა. ზოგადად, იაპონიაში ნებისმიერი ტიპის, ქართულ ქვევრის ღვინოს პოტენციალი აქვს. ჯერჯერობით, ჩვენ იაპონიაში ექსპორტზე არ ვმუშაობთ, სამწუხაროდ, დისტრიბუტორი არ მყავს“, - აცხადებს ღვინის მწარმოებელი კომპანიის „სოლომონე“-ს დამფუძნებელი.როგორც დავით ჩაჩანიძე აღნიშნავს, კომპანია ამ ეტაპზე წარმადობის გაზრდას არ აპირებს, თუმცა გუნდი, ახალი ბაზრების მოძიების, მონიტორინგის კუთხით, აქტიურად მუშაობს.„წინა წლის ანალოგიურ პერიოდთან შედარებით, ჩემს მარანში გაყიდვები იმავე ნიშნულზეა. ცხადია, ეს ყველაფერი (წარმადობის გაზრდა და ახალი ბაზრების მოძიება), ერთმანეთთან ჯაჭვურადაა დაკავშირებული - თუ ახალ ბაზრებზე გავალთ, წარმადობაც გაიზრდება. ახლა, აშშ-ში მაქვს ღვინის ნიმუშები გაგზავნილი და პასუხს შემოდგომისთვის ველოდები. 90%-ით, ვფიქრობ, რომ თანამშრომლობას დავიწყებთ. ჩვენ ძირითადად ევროპულ ბაზრებზე ვმუშაობთ: გერმანია, ინგლისი, ლატვია - ამ დროისთვის ჩვენი კომპანიისთვის აქტუალური, ეს 3 ბაზარია“, - აღნიშნავს დავით ჩაჩანიძე.ცნობისთვის, ღვინის ეროვნული სააგენტო ინფორმაციით, დღეს, 12 მაისს ტოკიოში ქართული ღვინის წარდგენა გაიმართა. მათივე ცნობით, იაპონიაში, ქართული ღვინის ექსპორტი მზარდია; მაგალითად, მიმდინარე წლის 4 თვეში, საქართველოდან იაპონიაში ექსპორტირებულია 71 ათას ლიტრამდე ღვინო, რაც გასული წლის ანალოგიურ მაჩვენებელს, 21%-ით აღემატება.bp.ge
ღვინის ეროვნული სააგენტოს მხარდაჭერით, ქართული ღვინის წარდგენა პრესტიჟულ ამერიკულ ღონისძიება James Beard Foundation-ზე გაიმართა
ღვინის ეროვნული სააგენტოს მხარდაჭერით, ქართული ღვინის წარდგენა შანხაიში გაიმართა
"ღვინის მარკეტინგისა და მედიის საერთაშორისო ფორუმის" ფარგლებში, ჯიღაურას ბაზას ღვინის პროფესიონალები სტუმრობდნენ
სოლომონ პავლიაშვილი კორეის რესპუბლიკის ერთ-ერთი უმსხვილესი ლოგისტიკური კომპანიის HERMES-LOGIX ხელმძღვანელს შეხვდა
"თავისუფალი ვაჭრობის შეთანხმება საქართველოსა და კორეა შორის სავაჭრო-ეკონომიკურ ურთიერთობებში უმნიშვნელოვანეს როლს შეასრულებს" - სოლომონ პავლიაშვილი
