აგროპარტნიორი
•
1773227759
მიმდინარე წლის თებერვალში საქართველოდან ექსპორტირებულია 803 ტონა დაფნის ფოთოლი, 3.2 მლნ აშშ დოლარის ღირებულებით. წინა წლის ანალოგიურ პერიოდთან შედარებით, ექსპორტირებული დაფნის ფოთლის რაოდენობა 60%-ით (301 ტონა), ხოლო ღირებულება 51%-ით (1.1 მლნ აშშ დოლარი) გაიზარდა.
2021 წლიდან მზარდია დაფნის ფოთლის საექსპორტო ფასიც, რომელმაც 2025 წელს კილოგრამზე 4.2 აშშ დოლარს მიაღწია.
დაფნის ფოთლის ძირითადი საექსპორტო ბაზრებია ჩინეთი (68%) და რუსეთი (22%).
"მარანი გელოვანის" დამფუძნებლის, აკაკი გელოვანის ინფორმაციით, იაპონელები აქცენტს ნატურალურ, ბიო ღვინოზე აკეთებენ.როგორც "ბიზნესპარტნიორთან" აკაკი გელოვანი აცხადებს, აღნიშნული სეგმენტისთვის ქართული ღვინის გემოვნური თვისებები განსხვავებულია, რადგან გაზრდილი ფრანგული ღვინის კულტურაზე არიან.მისივე თქმით, ტურისტული ობიექტის ღვინო იაპონიაში უკვე გადის, ხოლო პროდუქციის რეალიზაცია ყოველწლიურად მზარდია."მომავალი წლიდან ვგეგმავთ, რომ სოფელ წყლულეთში 1 ჰექტარზე ვენახი გავაშენოთ. ამჟამად, ბიო ყურძენს კახეთში ადგილობრივი მევენახეებისგან ვყიდულობთ. სერტიფიცირებული, ბიო მიმართულების ჯიშის ყურძენი ვისაც აქვს, წლებია მათთან ვთანამშრომლობთ. რაც შეეხება წარმადობას, წელიწადში 5 000-დან 7 000 ბოთლამდე ავდივართ.კახური ჯიშის ღვინოები გვაქვს: "რქაწითელი", "კახური მწვანე", "ქისი" და "საფერავი". ექსპორტის მიმართულებით უცხოეთში 8 ქვეყანაში გავდივართ: იაპონია, აშშ, გერმანია, პოლონეთი, ავსტრია, საფრანგეთი, შვეიცარია. ამავდროულად საექსპორტო ხაზის გაფართოებაზე აქტიურად ვმუშაობთ. კერძოდ, მოლაპარაკებები ახალ იაპონელ ექსპორტიორებთან გვაქვს.იაპონელები აქცენტს ნატურალურ, ბიო ღვინოზე აკეთებენ. აღნიშნულ ქვეყანაში ქართულ ღვინოს საკუთარი ნიშის დაკავება შეუძლია, მაგრამ კონცენტრირებული მუშაობაა საჭირო. დიდი კულტურის ხალხია და ღვინის მიმართულებით გაზრდილი ფრანგულ კულტურაზე არიან. წარმოიდგინეთ მერე, უცებ ქვევრში დამზადებულ, მზისფერ ღვინოს სინჯავენ, მათთვის ქართული ღვინის გემოვნური თვისებები განსხვავებულია - მოსწონთ. იაპონიის მიმართულებით ღვინის რეალიზაცია მზარდია, რადგან მათთან კომუნიკაციას მუდმივად ვცდილობ", - აცხადებს "მარანი გელოვანის" დამფუძნებელი.ტურისტული ობიექტის წარმომადგენელი ბაზრების დივერსიფიცირებაზეც დეტალურად საუბრობს და ხაზს უსვამს, რომ აუცილებელია მევენახეებმა აღნიშნული მიმართულებით აქტიურად იმუშაონ."დივერსიფიცირებაზე მუდმივად ვმუშაობთ და ერთ ქვეყანაზე დამოკიდებული ვიყოთ, ცხადია, არ გვინდა. ბაზარი ცვალებადია, აქედან გამომდინარე, სხვადასხვა, მიმართულების ათვისება სჯობს", - აცხადებს აკაკი გელოვანი.ცნობისთვის, "მარანი გელოვანი" მაღალმთიან რეგიონში, თბილისიდან 25კმ-ში, სოფელ ქვემო წყლულეთში, მდებარეობს. ექსპორტზე კი 2017 წლიდან გადის.bp.ge
"ელიბოს მარნის" დამფუძნებლის, შალვა ხუციშვილის ინფორმაციით, ტურისტულმა ობიექტმა წლევანდელი წლიდან ვაზის მოვლა ბიო მიმართულებით უნდა დაიწყოს.როგორც მეღვინე "ბიზნესპარტნიორთან" აღნიშნავს, პატარა მარნები ძირითადად ხარისხზე არიან ორიენტირებულნი.მისივე თქმით, საქართველოში ბიო მიმართულება ნელ-ნელა ფეხს იკიდებს, რაშიც წვლილი სხვადასხვა, ფესტივალებსა და სახელმწიფოს დახმარებას შეაქვს."ღვინოს ტრადიციული კახური მეთოდით ვამზადებ. სამომავლოდ, ექსპორტის მიმართულებით მინდა გავფართოვდე. მოგეხსენებათ ამ ყველაფერს თავისი წესები აქვს და ვემზადები, რომ აღნიშნული მოთხოვნები დავაკმაყოფილო. ადგილობრივ ბაზარზე წარმოდგენილი არ ვარ, ღვინოს სოციალური ქსელის მეშვეობით ვყიდი. გაყიდვების მიმართულებით, რომ გესაუბროთ დადებითი ტენდენციით ხასიათდება.ქართულ ღვინო, თუ ნატურალური წარმოებისაა ბაზარზე დიდი პოტენციალი აქვს, პატარა მარნები ორიენტირებული ძირითადად ხარისხზე ვართ. ამჟამად, ბიო მიმართულებას არ მივყვები, მაგრამ ვცდილობ შხამქიმიკატები არ გამოვიყენო, ძირითადად სისტემურ წამლებს ვიყენებ. წლევანდელი წლიდან ბიო მიმართულებაზე უნდა გადავიდე, თუმცა აღნიშნული მიმართულების განვითარებას 3-4 წელი მაინც სჭირდება. მოგეხსენებათ ბიო მიმართულება ღვინის უმაღლესი ხარისხია და ნატურალური პროდუქტის დოზირებულად მიღება ჯანსაღი და სასარგებლოა. რაც შეეხება საქართველოს ბიო მიმართულება ნელ-ნელა ფეხს იკიდებს, კარი ტემპით მიდის - ფესტივალებიც ხშირად იმართება, სახელმწიფო მევენახეებს მხარში უდგას. ზოგადად, მევენახეს ბიო მიმართულების მუშაობის დროს ორმაგი შრომა უწევს, მაგრამ შედეგი სასარგებლოა", - აცხადებს შალვა ხუციშვილი.ცნობისთვის, "ელიბოს მარანი" და ვენახი კახეთში, ართანაში მდებარეობს, ვენახის ფართობი 2 ჰექტარია. ტურისტული ობიექტი ამჟამად, ძველი ტრადიციული კახური მეთოდით რამდენიმე სახეობის ღვინოს რქაწითელს, ქისს და საფერავს აწარმოებს.bp.ge
"ელიბოს მარნის" დამფუძნებლის, შალვა ხუციშვილის შეფასებით, ჩინეთში პროდუქციის ექსპორტი, თუ ყველა დაინტერესებული გლეხისთვის, მეწარმისთვის გაცილებით ხელმისაწვდომი გახდება, ქვეყნის ეკონომიკის განვითარებაზე დადებითად აისახება.როგორც "ბიზნესპარტნიორთან" ტურისტული ობიექტის წარმომადგენელი აღნიშნავს, ზოგადად, ჩინეთში ექსპორტის განხორციელება ცოტა რთული პროცესია, რადგან დიდი ბაზარია.მისივე თქმით, არ აქვს მნიშვნელობა ქვეყანას, კერძოდ, ნებისმიერ ბაზარზე საკუთარი ნიშის დაკავება კარგია, როდესაც მეორე მხარე რეალურ თანხას იხდის."მიუხედავად იმისა, რომ ანალიტიკოსი არ ვარ, როგორც ბიზნესის წარმომადგენელმა შემიძლია გითხრათ, რომ ამ ეტაპზე, ძირითადად ჩინეთიდან პროდუქცია შემოგვაქვს. ჩინეთში ექსპორტი ცოტა რთულია, ერთეულებს პროდუქცია გააქვთ, მაგრამ ქვეყნებს შორის თანამშრომლობა ყველა დაინტერესებული გლეხისთვის ხელმისაწვდომი უნდა იყოს. აღნიშნული ინიციატივა, თუ ყველა გლეხისთვის, მეწარმისთვის ხელმისაწვდომი იქნება, ცხადია, მივესალმები - ნებისმიერი ბაზარი კარგია, როდესაც რეალურ თანხას იხდიან. ცხადია, რაც მეტ ქვეყანაში გავალთ საქართველოს ეკონომიკისთვის უმჯობესია. ჩინეთის ბაზარს ფაქტობრივად ვერ ავუვალთ იმდენად დიდია, როგორც აშშ-ის, რუსეთის ბაზარს", - აღნიშნავს შალვა ხუციშვილი.ცნობისთვის, "ელიბოს მარანი" და ვენახი კახეთში, ართანაში მდებარეობს, ვენახის ფართობი 2 ჰექტარია. ტურისტული ობიექტი ამჟამად, ძველი ტრადიციული კახური მეთოდით რამდენიმე სახეობის ღვინოს რქაწითელს, ქისს და საფერავს აწარმოებს.ცნობისთვის, საქართველოს გარემოს დაცვისა და სოფლის მეურნეობის სამინისტროსა და ჩინეთის სოფლის მეურნეობის სამინისტროებს შორის ურთიერთთანამშრომლობის მემორანდუმს ეწერება ხელი.bp.ge
"მერებაშვილის მამულის" დამფუძნებლის, შალვა მერებაშვილის ინფორმაციით, ტურისტულ ობიექტზე ჩასულ აზიელ სტუმრებს საქართველო აზიის შვეიცარიად მიაჩნიათ.როგორც მეღვინე და ტურისტული კომპლექსის მფლობელი "ბიზნესპარტნიორთან" განმარტავს, აღნიშნულ ბაზარზე ღვინის მოხმარება ბოლო 10 წელიწადში 60%-ით გაიზარდა, შესაბამისად, ქართულ ღვინოს დიდი პოტენციალი აქვს."აზიურ ქვეყნებს საქართველოს მიმართ დიდი ინტერესი აქვთ. ჩვენთან ჩამოსული სტუმრები, რომლებიც ტაილანდიდან, სინგაპურიდან გვსტუმრობენ უშუალო კომუნიკაცია მაქვს, ხშირად ვეკითხები რატომ აირჩიეს ეს ქვეყანა - თითქმის ყველა ერთ აზრზეა: საქართველო აზიის შვეიცარიად მიაჩნიათ. აღნიშნული ქვეყნები საქართველოს მაინც აზიად მოიაზრებენ. მოკლედ, ჩვენი ქვეყნის მიმართ ძალიან დიდი დაინტერესებაა, განსაკუთრებულ ყურადღებას ტრადიციებს აქცევენ და აფასებენ. შესაბამისად, როდესაც ქვეყანას ეცნობიან კარგად იციან, რომ საქართველოს სავიზიტო ბარათი ღვინოა, თავისი 8 000 წლიანი ისტორიით.აზიურ ბაზარზე ღვინის მოხმარება ბოლო 10 წელიწადში 60%-ით გაიზარდა, ამიტომ აღნიშნული სეგმენტი მაღალი ალკოჰოლური სასმელებიდან ღვინის დაგემოვნებაზე გადავიდა. ძალიან დიდი პოტენციალი გვაქვს, თუმცა უმაღლესი ხარისხი უნდა დავაკმაყოფილოთ, რათა ჩვენი ნიშა დავიკავოთ. აუცილებელი კიდევ უფრო მეტი აქტიური მარკეტინგული ჩართულობა, ღვინის ეროვნული სააგენტო კერძო სექტორთან ერთად ბერს აკეთებს, მაგრამ გასაკეთებელი კიდევ მეტია, რომ მოწოდების სიმაღლეზე ვიყოთ", - აცხადებს შალვა მერებაშვილი.როგორც ტურისტული კომპლექსის მფლობელი განმარტავს, ვიზიტორების 99%-ი საერთაშორისო სტუმრებზე მოდის, რადგან ადგილობრივი მოსახლეობა ღვინის მიმართულებით ძირითადად კახეთს სტუმრობს."წელს ჩვენს მამულს სასტუმრო დაემატა, რომელიც 6 სხვადასხვა კატეგორიის ოთახისგან შედგება, სივრცე 15 სტუმარზეა გათვლილი. მშენებლობა გასულ წელს დავიწყეთ და რამდენიმე თვის წინ - ივნისში გავხსენით. მომხმარებლის მოთხოვნიდან გამომდინარე, არა მხოლოდ მიღება-გამასპინძლების სერვისი გვაქვს, არამედ სტუმარს ადგილზე დარჩენასაც ვთავაზობთ. სასტუმროს გახსნის შემდეგ მომხმარებლების რაოდენობა 15%-ით გაიზარდა, რასაც სწორედ ახალი ობიექტის გახსნას ვუკავშირებ.ზოგადად, სასტუმროს სფერო ასეთია - პირველ წელს დატვირთულობა დაახლოებით, 30%-ს შეადგენს, შემდეგ წლებში კი მომხმარებლების რაოდენობა იზრდება. აღნიშნული ტენდენციის მიუხედავად, 30%-იან დატვირთულობას აგვისტოს ბოლოს უკვე გადავაჭარბეთ, კერძოდ, 40%-იანი დატვირთვა გვქონდა", - აცხადებს მერებაშვილის მამულის წარმომადგენელი.შალვა მერებაშვილი უშუალოდ მომხმარებლების შესახებ საუბრობს და აღნიშნავს, რომ ვიზიტორები ყველაზე ხშირად გერმანიიდან, ბალტიისპირეთის ქვეყნებიდან, ისრაელიდან, პოლონეთიდან, აღმოსავლეთ ევროპის ქვეყნებიდან სტუმრობენ."მერებაშვილის მარნის" დამფუძნებელი ინფრასტრუქტურულ საკითხსაც მიმოიხილავს და ხაზს უსვამს, რომ კასპში აღნიშნული ხაზით პრობლემები არ არის."წლების წინ გზის პრობლემა გვქონდა, მაგრამ ახლა ეს საკითხი მოგვარებულია, სტუმარს გადაადგილება და ტურისტულ ლოკაციებამდე მოსვლა არ უჭირს. ამასთან, საგზაო ნიშნების მაჩვენებლებიც გვაქვს. აქედან გამომდინარე, ინფრასტრუქტურულ პრობლემებს ნაკლებად ვაწყდებით", - აცხადებს "მერებაშვილის მამულის" დამფუძნებელი.ცნობისთვის, "მერებაშვილის მამულის" მეღვინეობა და სასტუმრო შიდა ქართლში, კასპში მდებარეობს, ტურისტულ ობიექტს 2 ჰექტარზე გაშენებული ვენახი სოფელ ოკამში აქვს. მარანი ადგილობრივ ბაზარზე 2018 წლიდან ოპერირებს. რაც შეეხება სასტუმროს ფუნქციონირება რამდენიმე თვის წინ, ივნისში დაიწყო.bp.ge
გორის მუნიციპალიტეტის დათევზიანებულ მდინარეებში ნაკადულის კალმახის პოპულაციის მონიტორინგი განხორციელდა
ფოთში ნარჩენების გადამტვირთავი სადგურის მშენებლობა მიმდინარე წელს დასრულდება
ჯიღაურაში ხეხილის ინტენსიური ბაღების მოვლის თანამედროვე მეთოდებზე სამეცნიერო-პრაქტიკული სემინარი გაიმართა
ეროვნული სატყეო სააგენტოს უფროსი მცხეთა-მთიანეთის სახელმწიფო რწმუნებულს და ადგილობრივი თვითმმართველობის წარმომადგენლებს შეხვდა
ნინო თანდილაშვილმა "საქართველო-იაპონიის ბიზნესფორუმი 2026-ში" მიიღო მონაწილეობა
