აშშ-ის უმსხვილეს სუპერმარკეტების ქსელ H-E-B-ში ქართული ღვინის დეგუსტაციები გაიმართა

მეღვინეობა "კოლოტის" პროდუქცია ადგილობრივ ბაზარზე 1 თვეში გამოჩნდება

მეღვინეობა "კოლოტის" პროდუქცია ადგილობრივ ბაზარზე 1 თვეში გამოჩნდება. როგორც მეღვინეობა "კოლოტის" დამფუძნებელმა და დირექტორმა პაატა ლეკიაშვილმა "ბიზნესპარტნიორთან" განაცხადა, მეღვინეობა მოლაპარაკებებს როგორც ღვინის ფიზიკურ მაღაზიებთან, ისე ონლაინ გაყიდვების პლატფორმებთან აწარმოებს.მისივე ინფორმაციით, ახმეტის რაიონში მდებარე მეღვინეობა, ჯამში 2 დასახელების ღვინოსა და 2 დასახელების ჭაჭას აწარმოებს."ვენახი 7 წლის წინ გავაშენეთ. ამჟამად, 2 დასახელების ყურძენი - საფერავი და რქაწითელი გვაქვს. 2022 წელს პირველი მოსავალი ავიღეთ და აქცენტი ბიო მიმართულებაზე გავაკეთეთ. ჩვენი ვენახიც და პროდუქციაც ბიო სერტიფიცირებულია. ღვინის გარდა გვაქვს კლასიკური და მუხაში დავარგებული ჭაჭა. ამ ეტაპზე, წარმოებაში სხვა პროდუქცია არ გვაქვს.ჯერჯერობით ჩვენი პროდუქცია ბაზარზე არ გამოჩენილა. აქამდე, დამზადების პროცესი მიმდინარეობდა და ახლა გადავერთვეთ სარეალიზაციო ბაზრების მოძიებაზე", - აცხადებს პაატა ლეკიაშვილი.რაც შეეხება საექსპორტო გეგმებს - მეღვინეობა ადგილობრივი ბაზრის ათვისების პარალელურად საექსპორტო ბაზრების მოძიებაზე მუშაობს. პაატა ლეკიაშვილის თქმით, ამ ეტაპზე მოლაპარაკებები ყაზახეთთან მიმდინარეობს."გამომდინარე იქიდან, რომ ჩვენი ღვინო ბიო წარმოებაა, ფასი შედარებით სხვა ღვინოებთან მაღალია, რაც საქართველოს ბაზარზე ჩვეულებრივი მომხმარებლისთვის დიდი ფუფუნება იქნება. შესაბამისად, ჩვენი სამიზნე ბაზარი ევროპის ქვეყნები და ამერიკა იქნება, თუმცა აღმოსავლეთის ქვეყნებიდან თუ დაინტერესება იქნება, რა თქმა უნდა, აღნიშნულ მიმართულებებსაც ავითვისებთ. უცხოურ ბაზრებზე გასვლა, მთლიანად მათ სურვილზეა დამოკიდებული. თუმცა ამ ეტაპზე, მოლაპარაკებები გვაქვს ყაზახეთთან, ხოლო ევროპის ქვეყნებიდან გერმანიასთან და პოლონეთთან. ვფიქრობ, რომ საზღვარგარეთის ქვეყნებში საკმაოდ კონკურენტული ვიქნები როგორც გემოვნური თვისებებით, ისე ხარისხით. შესაბამისად, ვფიქრობთ, რომ ჩვენი ღვინო უცხოურ ბაზრებზე მაღალ საფასო კატეგორიაში გაიყიდება", - აცხადებს პაატა ლეკიაშვილი"კოლოტის" დამფუძნებლის ინფორმაციით, მეღვინეობის მიზანი პროდუქციის 80%-მდე ექსპორტზე, ხოლო დანარჩენი რაოდენობის ადგილობრივ ბაზარზე რეალიზაციაა.ცნობისთვის, "კოლოტის" 10 ჰა-ზე გაშენებული ვენახი და მარანი, ახმეტის რაიონის სოფელ ალავერდში მდებარეობს. მეღვინეობის წლიური წარმადობა კი, დისტილატების(გამოხდილი პროდუქცია) კუთხით 10-12 000 ბოთლია, ხოლო ღვინის კუთხით ჯამში 75 000 ბოთლამდე. bp.ge 

"სხვადასხვა სასოფლო სამეურნეო დარგში 50 ქალი გადავამზადეთ" - აჭარის სოფლის მეურნეობის მინისტრის მოადგილე

2024 წელს საპილოტე პროგრამის ფარგლებში, სხვადასხვა სასოფლო სამეურნეო დარგში 50 ქალი გადავამზადეთ, - ამის შესახებ აჭარის სოფლის მეურნეობის მინისტრის მოადგილემ ირმა აფხაზავამ “ბიზნესპარტნიორი პიკის საათში” განაცხადა.მისივე ინფორმაციით, აღნიშნული პროექტის მიმართ საკმაოდ მაღალი მოთხოვნაა და აჭარის სოფლის მეურნეობის სამინისტრო პროექტის განხორციელებას მიმდინარე წელსაც გეგმავს. "პროექტი ქართული ოცნების” ქალთა ორგანიზაციის ინიციატივით, საქართველოს რამდენიმე მუნიციპალიტეტისთვის გაკეთდა. ეს იყო სოფლად მენტორი ქალების გამოვლენა და სხვადასხვა სასოფლო სამეურნეო დარგში დასაქმებული ფერმერი ქალების გადამზადება. ძალიან საინტერესო პროექტია. ჩვენს ხუთივე მუნიციპალიტეტში: ხელვაჩაურის, ქობულეთის, ქედის, შუახევისა და ხულოს მუნიციპალიტეტში სოფლის მეურნეობის სხვადასხვა დარგების მიმართულებით 5 მენტორი ქალი გამოვყავით, რომელთაც მეწარმეობის კარგი გამოცდილება ჰქონდათ და მათ მიერ ჯამში 50 ქალი იქნა გადამზადებული.გადამზადება მოხდა ისეთ დარგებში როგორიც არის - მეღვინეობა, მებოსტნეობა, მესათბურეობა თუ კენკროვანი კულტურების წარმოების მიმართულება. რეგიონში და არა მხოლოდ რეგიონში ძალიან ბევრი წარმატებული ქალია, რომელთაც შეუძლიათ საქმიანობას მენტორობა შეუთავსონ. ჩვენ თემატურად შევიმუშავეთ ის ძირითადი მიმართულებები, რომელიც ძლიერი სოფლის მეურნეობის დარგებია. მაგალითად, ხულოს მუნიციპალიტეტში ჟოლოს წარმოების მიმართულებით გამოვყავით მენტორი, რომელსაც საწარმო აქვს, შუახევის მუნიციპალიტეტში ღია და დახურული გრუნტის ბოსტნეული კულტურების წარმოების მიმართულებით, ქედის მუნიციპალიტეტში მეფუტკრეობის და თაფლის წარმოების მიმართულებით, ხელვაჩაურის მუნიციპალიტეტში ჩირის წარმოების, ხოლო ქობულეთში მევენახეობა, მარნის წარმოების მიმართულებით", - აცხადებს ირმა აფხაზავა.შეგახსენებთ, საქართველოს რამდენიმე მუნიციპალიტეტში საპილოტე პროექტი განხორციელდა – საუბარია სოფლად მენტორი ქალების გამოვლენისა და სხვადასხვა სასოფლო სამეურნეო დარგში დასაქმებული ფერმერი ქალების გადამზადებაზე.bp.ge

"ფქვილზე საიმპორტო გადასახადის გაგრძელება საქართველოს ბაზარზე სწორი კონკურენციის პირობებს უზრუნველყოფს"

ფქვილზე საიმპორტო გადასახადის გაგრძელება საქართველოს ბაზარზე სწორი კონკურენციის პირობებს უზრუნველყოფს, -  ამის შესახებ ხორბლისა და ფქვილის მწარმოებელთა ასოციაციის დირექტორმა ლევან სილაგავამ “ბიზნესპარტნიორთან” განაცხადა.მისივე შეფასებით, აღნიშნული დადგენილების შედეგად, ადგილობრივი მწარმოებლები ხორბალს უპრობლემოდ ჩააბარებენ.“მთავრობასთან ერთად დავაკვირდებით ფასების დინამიკას და ამის მიხედვით, ახალ მოსავლამდე, ანუ ივნისამდე შეიძლება აღნიშნული გადაწყვეტილების კიდევ გაგრძელებაზე მსჯელობა.აღნიშნული გადაწყვეტილება ადგილობრივი წარმოებისთვის კარგია. ეს დადგენილება თავის დროზე განპირობებული იყო იქიდან, რომ მაშინ რუსეთმა ხორბლის შემოტანაზე მცურავი ბაჟის დაწესების გადაწყვეტილება მიიღო, რამაც რუსეთიდან იმპორტი წაახალისა, საქართველოს ბაზარზე არასწორი კონკურენციის პირობები დამყარდა, წისქვილკომბინატები გაჩერდა და ქართველმა ფერმერებმა ხორბალი ვერ ჩააბარეს.შესაბამისად, ეს გადაწყვეტილება მაშინ მიღებული იყო იმისთვის, რომ კონკურენციის პირობები დაბრუნებულიყო, წისქვილკომბინატები ამუშავებულიყო და ადგილობრივი ხორბლის მოსავალი მიღებულიყო. ამ დადგენილების გაგრძელება საქართველოს ბაზარზე კონკურენციის პირობებს და წისქვილკომბინატების მუშაობას ხელს უწყობს”, - აცხადებს ლევან სილაგავა.ცნობისთვის, ფქვილზე საიმპორტო გადასახადი  1 თვით, 2025 წლის 1-ელ აპრილამდე გახანგრძლივდა. ამასთან, გაიზარდა იმპორტის საფასურიც. ამის შესახებ მთავრობის დადგენილებაშია აღნიშნული. bp.ge 

სამეგრელოში წარმოებული ლოკოკინების ყველაზე დიდი მოცულობა თურქეთში იყიდება - "სნეილ ქეჩი"

ქართულ-ნორვეგიული კომპანია "სნეილ ქეჩის" (ნადი გრუპი) გაყიდვები, წინა წლის ანალოგიურ პერიოდთან შედარებით, 20%-ით გაიზარდა, - ამის შესახებ „ბიზნესპარტნიორთან“ კომპანიის თანადამფუძნებელმა მერაბ ნადარაიამ განაცხადა.მისივე ინფორმაციით, კომპანიის მიერ წარმოებული ლოკოკინების და ლოკოკინების ნახევარფაბრიკატების ყველაზე დიდი მოცულობა თურქეთში იყიდება."2024 წელი კომპანიისთვის საკმაოდ წარმატებული იყო. ექსპორტზე, დაახლოებით, 100 ტონამდე პროდუქცია გავიტანეთ, მათ შორის, ლოკოკინების ნახევარფაბრიკატები და ასევე, ცოცხალი ლოკოკინა. ამჟამად, პროდუქცია 3 ქვეყანაში იყიდება. კერძოდ, თურქეთში, საფრანგეთსა და ესპანეთში. დღეს ექსპორტზე ჩვენი წარმოების 95% გადის.რაც შეეხება ფასებს - 1 კგ ლოკოკინას ფილეს ფასი - 40 ლარია, ცოცხალი ლოკოკინას ფასი კი 4 ევროა. ყველაზე დიდი მოთხოვნა ლოკოკინას ფილაზეა", - აცხადებს მერაბ ნადარაია.მისივე ინფორმაციით, ადგილობრივ ბაზარზე მოთხოვნა ნაკლებია. მერაბ ნადარაიას თქმით, კომპანია ამ ეტაპზე HoReCa სექტორთან თანამშრომლობს, თუმცა სამომავლოდ ქსელურ მარკეტებში შესვლას გეგმავს."საქართველოში როგორც ცოცხალი ლოკოკინა, ისე ლოკოკინას ნახევარფაბრიკატები იყიდება, თუმცა აღნიშნული პროდუქციის მიმართ კულტურა განვითარებული არ არის. მიუხედავად ამისა, აღსანიშნავია, რომ წლიდან წლამდე მოთხოვნა მაინც მზარდია", - აცხადებს მერაბ ნადარაია.ცნობისთვის, „სნეილ ქეჩმა“ ლოკოკინების ნახევარფაბრიკატების ქარხნის მშენებლობა 2023 წელს დაასრულა. კომპანიამ პროექტში 1,5  მლნ ევროს ინვესტიცია განახორციელა. ქარხანა 1 800 კვადრატულ მეტრ ფართობზე სენაკში  აშენდა.კომპანიის საკუთრებაშია  ხობში 6 ჰექტარზე, ხოლო სენაკში 3 ჰა-ზე გაშენებული ლოკოკინას ფერმა, რომელიც 2021  წელს შეიქმნა. ბენეფიციარმა შეღავათიანი აგროკრედიტით ₾1,26 მლნ მიიღო.bp.ge

"ვეგეტაციის პერიოდში დაფნის მოჭრა მოსავლის რაოდენობას შეამცირებს" - დაფნის ექსპორტიორები მთავრობას დახმარებას სთხოვენ

საქართველოს დაფნის მწარმოებელთა და ექსპორტიორთა ასოციაცია მთავრობას ტექნიკური რეგლამენტის მიღებას სთხოვს, რომელიც ვეგეტაციის პერიოდში დაფნის მოჭრას აკრძალავს.როგორც ასოციაციის დამფუძნებელმა დავით კუტალიამ "ბიზნესპარტნიორთან" განაცხადა, თუ დაფნის მოჭრა არასწორ პერიოდში გაგრძელდება, მოსავლის რაოდენობა შემცირდება, რაც ექსპორტზე და ქვეყანაში შემოსავლების შემოსვლაზე აისახება.დავით კუტალიას განცხადებით, თუ რეგლამენტის მიღება არ არის შესაძლებელი, მაშინ თავად ასოციაციას მიეცეს ბერკეტი, რომ მათ ხარისხის კონტროლის უფლება ჰქონდეთ."გვინდა, რომ ვეგეტაციის პერიოდში დაფნის ჩაბარება შეჩერდეს. ვიცით, რომ ეს კერძო საკუთრებაა და ამაში სახელმწიფო ვერ ჩაერევა, მაგრამ გამონაკლისის სახით თუ შესაძლებელია უნდა დაუშვან აღნიშნული მიმართულებით ჩარევა, რადგან ნადგურდება დაფნა და უკუშედეგს ვიღებთ. სახელმწიფო პლანტაციების გაშენებაში გვერდით გვიდგას, მაგრამ ზოგიერთი არაკეთილსინდისიერი მწარმოებელი ნედლი დაფნის გადამუშავებას არ წყვეტს. შესაბამისად, ხარისხი არის ძალიან ცუდი და ეს საბოლოო შედეგზე აისახება. ექსპორტზე, რომ გადის ეს ცუდი ხარისხის საქონელი, რა თქმა უნდა, უარყოფითად აისახება ჩვენს იმიჯზე. გარდა ამისა, აღნიშნული ქცევა მოსავალს სპობს. მაგალითად, თუ ველოდით 5-6 ათას ტონას, მომავალში 3-4 ათას ტონას მივიღებთ.თუ ახალი დავრგეთ და არსებული გავანადგურეთ რა აზრი აქვს. ჩვენთან საქართველოში 5-6 ათასი ტონა დაფნა მოდის და ეს რაოდენობა ჩინეთის ბაზრისთვისაც არ არის საკმარისი. აქედან გამომდინარე, სახელმწიფომ გადაწყვიტა, რომ ფერმერებს პლანტაციების გამრავლებაში დახმარებოდა, რაც მოსავალს საბოლოოდ 20-25 ათას ტონამდე მიიყვანდა. ასოციაცია ზრუნავს იმისთვის, რომ დაფნის მოსავლის რაოდენობამ სწორედ 20-25 ათას ტონას მიაღწიოს, რაც მოთხოვნას დროთა განმავლობაში, დააკმაყოფილებს. დღეს არის დაფნა და ახალი პლანტაციებიც ირგვება, მაგრამ რა აზრი აქვს თუ არსებულს გავანადგურებთ. იგივე რაოდენობა გვექნება და თუ მცენარეს არასწორ პერიოდში მოვჭრით 2-3 წელში გახმება. აქედან გამომდინარე, ექსპორტის მოცულობები შემცირდება, ქვეყანაში შემოსავლები შემცირდება და სახელმწიფო ახლა რასაც ხარჯავს წყალში გადაყრილი იქნება. ამ შედეგს წინასწარ ვხედავ და ამიტომ ვამბობ ამ ყველაფერს.მესმის, რომ სპეციალურად კანონს ამისთვის არავინ მიიღებს, მაგრამ შესაძლებელია ტექნიკური რეგლამენტის სახით გამონაკლისი დაუშვან. ეს მცენარე ძალიან პერსპექტიულია. ამჟამად ასოციაციას არანაირი ბერკეტი არ აქვს, რომ აღნიშნული საკითხი დაარეგულიროს. შესაბამისად, ვითხოვთ, რომ ასოციაციას მაინც გადაეცეს ხარისხის კონტროლის უფლება და თუ ასოციაციის ბეჭედი არ იქნება საქონელზე მწარმოებელს აღნიშნული საქონლის გაყიდვა აეკრძალოს. ამ შემთხვევაში შეჩერდება გაჩეხვა, რადგან მწარმოებელი მიხვდება, რომ მას ასოციაცია ბეჭედს არ დაურტყამს და ვეღარ გაყიდის. ამ კუთხითაც შეიძლება ამ საკითხის მოგვარება.ამჟამად, ასოციაციაში 9 ექსპორტიორი ვართ გაწევრიანებული. რაც შეეხება დაფნის ჩამბარებელ ქარხნებს - მათი რაოდენობა საქართველოში 250-ზე მეტია. ადგილობრივ ბაზარზე  მიღებული მოსავლის 0.1% იყიდება. საქართველოში არ არის მოთხოვნა, 3 მლნ. ადამიანს არ სჭირდება ამდენი დაფნა. ექსპორტზე გავდივართ რამდენიმე ქვეყანაში, მათ შორის, რუსეთში, ჩინეთში, ბელორუსიაში და სხვ.აღნიშნულ საკითხზე რამდენიმე დღის წინ ფერმერთა ასოციაციას მივმართეთ, რომელიც დაგვპირდა, რომ შუამავლობას გაგვიწევდა. მე ყველანაირად ვცდილობ, რომ ყველა უწყებას ინფორმაცია მივაწოდო", - აცხადებს დავით კუტალია.bp.ge