გარემოსდაცვითი ზედამხედველობის დეპარტამენტმა მაისში უკანონო ტყითსარგებლობის 163 ფაქტი გამოავლინა

"სამეწარმეო ვენახის გაშენების წესი უფრო მსხვილი მევენახეებისთვისაა აუცილებელი" - "მარანი გელოვანი"

"მარანი გელოვანის" დამფუძნებლის, აკაკი გელოვანის შეფასებით, სამეწარმეო ვენახის გაშენების წესის არსებობა უფრო ღვინის საწარმოების მფლობელებს და მსხვილ მევენახეებს სჭირდებათ, ვიდრე მცირე მარნებს.როგორც აკაკი გელოვანი "ბიზნესპარტნიორთან" განმარტავს, მცირე მარნები ძირითადად ისედაც ხარისხზე ორიენტირებული არიან, ხოლო მსხვილი მევენახეებისთვის გარკვეული ვალდებულებების არსებობდა  აუცილებელია. ამასთან, ბიზნეს სექტორის წარმომადგენლის თქმით, მცირე მარნებისთვის აღნიშნული წესის შესრულება ფინანსურად საკმაოდ მძიმე ტვირთია."ვენახის დარეგისტრირება მოიცავს გარკვეული თანხის გაღებას, ადგილზე სპეციალისტების მოყვანაც აუცილებელია. რაც შეეხება ხარისხს, პირადად მე დიდი მარანი არ მაქვს - სოლიდური თანხა გადავიხადე, რომ კარგი ნერგები მეყიდა. იმის თქმა მინდა, რომ ჩემი პირდაპირი ინტერესია მაღალი ხარისხის ღვინო ვაწარმოო, საუკეთესო ვენახი მქონდეს. აღნიშნული წესი ინდუსტრიული სფეროს წარმომადგენლებს უფრო დაეხმარებათ. კერძოდ, ვისაც ქარხნები აქვთ, მათთვის უფრო საჭიროა, გარკვეული ვალდებულებები ჰქონდეთ. პატარა მარნების შემთხვევაში, ისედაც შეზღუდული მასშტაბით ვმუშაობთ, ამიტომ მაღალ ხარისხზეც გავდივართ. ღვინო ექსპორტზე გაგვაქვს, უცხოეთში ვინ მოიწონებს პროდუქტს, თუ მაღალი ხარისხი არ გვექნება?! ჩვენი პირდაპირი ინტერესია ვენახი, მარანი, ღვინო და ეტიკეტი მაღალი ხარისხის იყოს. აღნიშნული წესი კარგი იქნებოდა, თუ სახელმწიფო სპეციალისტების ჯგუფს თავად გამოყოფდა და ვენახებს შეამოწმებდა. ამ შემთხვევაში პირიქით, მოხარული ვიქნებოდი, თუმცა ახლა ფინანსური კუთხით ეს ყველაფერი საკმაოდ რთული შესასრულებელია", - აცხადებს აკაკი გელოვანი.მეღვინე გამოწვევების შესახებაც საუბრობს და აღნიშნავს, რომ საგზაო ინფრასტრუქტურის გაუმართაობა კვლავ პრობლემად რჩება, რაც ბიზნესის განვითარებას ხელს უშლის.შეგახსენებთ, რომ "მარანი გელოვანი" თბილისიდან 25კმ-ში, სოფელ ქვემო წყლულეთში, მდებარეობს და კახური ჯიშის ბიო ღვინოს ამზადებს. ასორტიმენტში შედის: "რქაწითელი", "კახურ მწვანე", "ქისი" და "საფერავი". ექსპორტზე კი 2017 წლიდან გადის, საექსპორტო ქვეყნებია - იაპონია, აშშ, გერმანია, პოლონეთი, ავსტრია, საფრანგეთი და შვეიცარია.ცნობისთვის, გარემოს დაცვისა და სოფლის მეურნეობის მინისტრის ბრძანებით სამეწარმეო ვენახის გაშენების წესი 27 აპრილს დამტკიცდა. დოკუმენტი განსაზღვრავს სამეწარმეო ვენახის გაშენებასა და აღდგენა-განახლებასთან დაკავშირებულ პრინციპებს და პირობებს.bp.ge 

"ვინ ეგარი" ხილის გადამამუშავებელ ახალ საწარმოში პირველ მოსავალს აგვისტოში მიიღებს

ვაშლის ძმრის მწარმოებელი კომპანია "ვინ ეგარი" ხილის გადამამუშავებელ ახალ საწარმოში პირველ მოსავალს აგვისტოში მიიღებს. როგორც კომპანიის დამფუძნებელმა მარიამ პატარიძემ „ბიზნესპარტნიორთან“ განაცხადა, ლეჩხუმში ახალი საწარმოს მშენებლობა უკვე დასრულებულია და პროექტი მერიაშიც ჩაბარებულია.მისივე ინფორმაციით, "ვინ ეგარი" ახალ საწარმოში მუშაობის დაწყების შემდეგ წარმადობის ზრდასა და ვაშლის ჩირის წარმოებად გეგმავს."ჩვენს პროდუქციაზე მოთხოვნა მზარდია და შეიძლება ითქვას, რომ ყოველ წლიურად ორმაგდება. ახალი საწარმოს მშენებლობისთვის დაახლოებით, 500 000 ლარის ინვესტიცია განხორციელდა. ჩვენი ვაშლის ძმარი მოგეხსენებათ, რომ აბსოლუტურად ქართული, უწამლი ვაშლისგან მზადდება. შესაბამისად, ვაშლს ფერმერებისგან ჩავიბარებთ, რაც ადგილობრივი პროდუქციის რეალიზაციასაც ხელს შეუწყობს. ვფიქრობთ, რომ წარმადობის გაზრდის შემდეგ გვექნება შესაძლებლობა, რომ HoReCa სექტორშიც განვვითარდეთ. ამჟამად, ჩვენი პროდუქცია 40-მდე მაღაზიაშია წარმოდგენილი. მათ შორის, სულ ახლახან "გუდვილის" ქსელში შევედით, რაც ვფიქრობთ, კიდევ უფრო გაგვიზრდის გაყიდვებს", - აცხადებს მარიამ პატარიძე.მანვე აღნიშნა, რომ კომპანია პროდუქციის 100%-ვე ადგილობრივ ბაზარზე ყიდის, თუმცა მომდევნო წლიდან ექსპორტზე გასვლასაც გეგმავს.ცნობისთვის,"ვინ ეგარის” ვაშლის ძმარი გახლავთ ლეჩხუმის მაღალ მთიან სოფელში დაწყებული პატარა საოჯახო ბიზნესი, რომელიც 2021 წელს ფონდი “აფხაზინტერკონტის” ინოვაციურ საგრანტო კონკურსში გამარჯვების შემდეგ დაიწყო. კომპანია ტონობით ვაშლის გადამუშავებას ახდენს.პროდუქციის შეძენა შესაძლებელია, "წისქვილი ბაზრის" ფილიალებში, ასევე სხვადასხვა აგრო მაღაზიებში, როგორიცაა "ფერმარტი", "აგრო სახლი", "წილკანი" "ეკო კუთხე", "სუფრა", "მასა", ეპიკალურიე შოპ", ასევე, სუპერმარკეტების ქსელ "ნატურალში".  ვაშლის ძმრით მარაგდება ასევე, ქართული სტარტაპს/სტრიტ ფუდი -  "შოთი". სამომავლოდ კომპანია რეგიონების ქსელურ მაღაზიებშიც რეალიზაციასაც გეგმავს.bp.ge 

კომპანიის გაყიდვები ყოველწლიურად 20-25%-ით იზრდება - "ჰერბია"

მწვანილისა და ბოსტნეულის მწარმოებელი კომპანია "ჰერბიას" თანადამფუძნებლის ზურაბ ჯანელიძის განცხადებით, "ჰერბიას" პროდუქციაზე მოთხოვნა მუდმივად სტაბილურად მზარდია და დაახლოებით, 20-25%-იანი გაყიდვების ზრდა გვაქვს.მისივე ინფორმაციით, შეიძლება ითქვას, რომ ბაზარზე "ჰერბია" უკონკურენტოა, რადგან კომპანიას საკუთარი წარმოება აქვს, ხოლო სხვა კომპანიები სხვისი პროდუქციის მხოლოდ შეფუთვას ახორციელებენ."ჩვენი ძირითადი წარმოება წყალტუბოშია, საიდანაც 1000-ზე მეტ ქსელური მარკეტის შემადგენელ მარკეტში ნაწილდება ჩვენი პროდუქცია, ჩვენივე დისტრიბუციით. ანუ, სრული საწარმოო ჯაჭვი მხოლოდ ჩვენ გვაქვს. დღეს საქართველოში არ არის ამ შემადგენლობის პირველადი მწარმოებელი კომპანია, რომელიც თავისივე წარმოებულ პროდუქციას თავისივე დახლზე ყიდის. ჩვენ ყოველწლიურად ვზრდით წარმადობას და კიდევ ერთი ჰა სასათბურე ფართი დაგვემატება. ამჟამად ჩვენი სასათბურე მეურნეობა ერთ ლოკაციაზე 15 ჰა-ზეა გაშენებული, მეორე ლოკაციაც - ღია გრუნტი არის 15 ჰა და კიდევ გვაქვს 7 ჰა ფართობი, სადაც ასევე, სასათბურე მეურნეობაა. ზუსტად 20 წელია, რაც ჯაჭვის ყველა რგოლს ეტაპობრივად ვზრდით", - აცხადებს ზურაბ ჯანელიძე.მანვე აღნიშნა, რომ კომპანიამ აქტიურად დაიწყო HoReCa სექტორის მომარაგება, თუმცა ობიექტები არის შერჩევით და გაფართოება ამ მიმართულებით მომავალშიც გაგრძელდება.ცნობისთვის, ''ჰერბიას" მაღალტექნოლოგიური საწარმო წყალტუბოში მდებარეობს. კომპანია  30-მდე დასახელების მწვანილს და ბოსტნეულს აწარმოებს და 200-ზე მეტი ადამიანი ჰყავს დასაქმებული.bp.ge 

"ხილის მაღალი ფასი ძირითადად იმპორტზე დამოკიდებულებით აიხსნება, რადგან ადგილობრივი პროდუქტი ბაზარზე ჯერ არ არის" - ზვიად ბობოქაშვილი

ხილის მაღალი ფასი ძირითადად იმპორტზე დამოკიდებულებით აიხსნება, რადგან ადგილობრივი პროდუქტი ბაზარზე ჯერჯერობით არ არის, - ამის შესახებ სოფლის მეურნეობის სამეცნიერო-კვლევითი ცენტრის მეხილეობის კვლევის სამსახურის უფროსმა, პროფესორმა ზვიად ბობოქაშვილმა "ბიზნესპარტნიორთან" განაცხადა.ზვიად ბობოქაშვილის განმარტებით, ბაზარზე არსებული საადრეო ხილი ძირითადად თურქეთიდან, მათ შორის ანტალიის რეგიონიდან შემოდის, სადაც პროდუქტი სასათბურე პირობებში მოჰყავთ.მისივე თქმით, ადგილობრივი მოსავლის დაგვიანებას მიმდინარე წლის ნალექიანი გაზაფხული და ყვავილობის პერიოდში არახელსაყრელი ამინდი განაპირობებს, რაც მოსავლიანობაზეც აისახება."საქართველოში საადრეო, ე.წ. სეზონური ხილის შემოსვლა არასდროს ხდებოდა აპრილის ბოლოს და მაისის დასაწყისში. გამომდინარე იქიდან, რომ ხილის ბაზარზე გლობალიზაციაა და გახსნილია საზღვრები, ადგილობრივ ბაზარზე ხელმისაწვდომია იმპორტირებული პროდუქცია, რაც წლების წინ არ იყო ხელმისაწვდომი. ხილი ძირითადად ჩვენი მეზობელი ქვეყნიდან - თურქეთიდან არის შემოტანილი. თურქეთი კლიმატური თვალსაზრისით საადრეო ხილის წარმოების ერთ-ერთ საუკეთესო ადგილს წარმოადგენს არამხოლოდ ევროპაში, არამედ მსოფლიოში და აქედან გამომდინარე, ახლა არსებული ფასი სწორედ ამით აიხსნება. ადამიანები როცა ინტერესდებიან რატომ ღირს მაგალითად, ბალი, ან გარგარი ესა და ეს ფასი - უნდა იცოდნენ, რომ ეს არის იმპორტული, სასათბურე პირობებში მოყვანილი ხილი, რომელიც ძირითადად ანტალიაში მოჰყავთ. გარდა ამისა, მიმდინარე წელს საკმაოდ ნალექიანი გაზაფხული იყო. წინა წლებში შემთხვევები გვქონდა, რომ ყვავილობა უფრო ადრე გვქონდა და წელს დაგვიანდა და ალბათ, გარკვეულწილად ქართული ბაღებში, დაახლოებით, 7-10 დღით დააგვიანებს სტანდარტული ხილის შემოსვლა. საუბარია ბალზე და მარწყვზე.  კიდევ ერთი დეტალი არის ის, რომ უხვნალექიანი პერიოდი დაემთხვა ყვავილობის პერიოდს, მათ შორის, კურკოვანი ხილის ყვავილობის პერიოდს, რაც არახელსაყრელია, რადგან მოსავლიანობაზე ახდენს გავლენას და ასევე, ნალექები ყვავილობის ფაზაში ხელს უწყობს სხვადასხვა ტიპის დაავადების განვითარებას. ამასთან, წელს მცირე წაყინვის შემთხვევებიც უკვე იყო შიდა ქართლის რეგიონში", - აცხადებს ზვიად ბობოქაშვილი.მანვე აღნიშნა, რომ ჯერჯერობით მოსავლიანობის მაჩვენებლის დანახვა ადრეა, თუმცა აღნიშნულზე კლიმატურ პირობებს დადებითი გავლენა არ ექნება და შესაძლებელია გარკვეული რაოდენობის კლება იყოს.ცნობისთვის, ადგილობრივ ბაზარზე 1 კილოგრამი ბალის ფასი 28  ლარს აღწევს. bp.ge 

შორენა პატარიძე: ის მოთხოვნები, რასაც ღვინის ეროვნული სააგენტო უწესებს კომპანიას არ არის შეუსაბამო

„ის მოთხოვნები, რასაც ღვინის ეროვნული სააგენტო უწესებს ადამიანს, თუ კომპანიას, რომელმაც უნდა გააშენოს ეს ვენახი, აბსოლუტურად არ არის შეუსაბამო“, ამის შესახებ „პატარიძეების რაჭული“-ს დამფუძნებელმა შორენა პატარიძემ “ღამის ბიზნესპარტნიორის“ ეთერში განაცხადა.მისი შეფასებით, ამ საკითხთან დაკავშირებით ატეხილი აჟიოტაჟი გაუგებარია.„რატომ გამოიწვია ამ ახალმა რეგულაციამ აჟიოტაჟი, მართალი გითხრათ, არ მესმის. იმიტომ, რომ როდესაც ადამიანი აშენებს კომერციულ ვენახს, იმან გადასრევად უნდა იცოდეს რომელ საძირეზე უნდა იყოს ეს ნერგი დამყნობილი, როგორი ხარისხის უნდა იყოს. არ წარმომიდგენია, რომ ვინმე ჰექტრობით აშენებდეს კომერციულ ვენახს და მან არ აიღოს ნიადაგის ანალიზი. რეგულაცია თუ არის საჭირო მარნის ასაშენებლად, ნებართვა უნდა მივიღოთ მერიისგან და სახლის ასაშენებლად, ვენახი არაფრით განსხვავდება“, - განაცხადა შორენა პატარიძემ.ცნობისთვის, „ვაზისა და ღვინის შესახებ კანონში“ შესული ცვლილებების მიხედვით, 1 მაისის შემდგომ პერიოდში კომერციული მიზნებისთვის ვენახის გაშენება შესაძლებელი იქნება მხოლოდ ღვინის ეროვნული სააგენტოს წინასწარი თანხმობის საფუძველზე. წინააღმდეგ შემთხვევაში, პირი, რომელიც ვენახს თვითნებურად გააშენებს, ვერ შეძლებს მიღებული ყურძნის ან წარმოებული ღვინის კომერციულ რეალიზაციას.ღვინის ეროვნული სააგენტოს მიერ ვენახის გაშენებაზე თანხმობა უფასოდ გაიცემა.ცვლილებები წარმოადგენს ღვინის ხარისხის გაუმჯობესებისკენ მიმართული რეფორმის ნაწილს და მიზნად ისახავს ვენახების გაშენების პროცესის რეგულირებას. ვენახის ყველა პარამეტრი უნდა აკმაყოფილებდეს დადგენილ სტანდარტებს, რაც ხელს შეუწყობს ხარისხიანი მოსავლის მიღებასა და მაღალი ხარისხის ღვინის წარმოებას.bp.ge