აგრობიზნესი სამინისტრო საქართველოს ფერმერი ტექნოლოგიები მსოფლიო ინტერვიუ ვიდეო გემოვანი

აგრობიზნესი

"ქართულმა ღვინოებმა მსოფლიო კლასის ღვინოებში ადგილის დამკვიდრება უნდა დაიწყონ" - "თბილღვინო"

ქართულმა ღვინოებმა მსოფლიო კლასის ღვინოებში  ადგილის დამკვიდრება უნდა დაიწყონ , - ამის შესახებ  "თბილღვინოს" თანადამფუძნებელმა ზურაბ მარგველაშვილმა "ბიზნესპარტნიორთან" განაცხადა.მისივე ინფორმაციით, კომპანიამ გასულ წელს მაღალი საფასო სეგმენტის ღვინის წარმოება დაიწყო და წელსაც, აგრძელებს მუშაობას იმისთვის, რომ საერთაშორისო ბაზრებზე მსოფლიო დონის ქართული ღვინო წარადგინოს."2024 წელს, რაც გვქონდა დაგეგმილი, შეიძლება ითქვას, რომ შევასრულეთ. 2024 წელს საკმაოდ მნიშვნელოვანი ზრდა გვქონდა ადგილობრივ ბაზარზე და საერთო ჯამში შეგვიძლია ვთქვათ, რომ რთული წელი იყო, თუმცა დასახული მიზნები მაქსიმალურად განვახორციელეთ. გარდა ამისა, გასული წელი საინტერესო იყო იმ კუთხითაც, რომ ჩვენ რამდენიმე წელი ვმუშაობდით იმისთვის, რომ შეგვექმნა ახალი ღვინის კოლექცია, რომელიც მაღალი საფასო სეგმენტისთვის არის განკუთვნილი. სულ არის 8 ღვინიანი კოლექცია და ამ ღვინოების წარდგენა როგორც ლონდონში, ისე თბილისში სწორედ გასულ წელს მოხდა. გაყიდვები დაწყებულია როგორც ადგილობრივ, ისე საექსპორტო ბაზრებზე. გასულ წელს, ექსორტზე 25 ქვეყანაში გავდიოდით. მიმდინარე წელს ჩვენი კომპანიის ერთ-ერთი მნიშვნელოვანი ამოცანა სავაჭრო ნიშნების და ასორტიმენტის ოპტიმიზაცია იქნება. ახალი კოლექციის ღვინოები გავიტანეთ ბრიტანეთში, სამხრეთ კორეასა და ყაზახეთში. ეს არის პირველი ნაბიჯები. საკმაოდ რთული ამოცანაა მსოფლიოში მაღალი კატეგორიის ღვინოების მწარმოებელი მრავალი ქვეყანაა და ძალიან დიდი კონკურენციაა, მაგრამ ვინაიდან ჩვენ ვართ მეღვინეობის სამშობლო, კომპანიამ გადავწყვიტეთ თამამი ნაბიჯი გადაგვედგა", - აცხადებს ზურაბ მარგველაშვილი.რაც შეეხება სამომავლო გეგმებს - კომპანია მიმდინარე წელს ამერიკულ და დიდი ბრიტანეთის ბაზრებზე უფრო მეტად განვითარებას დაუთმობს."პირველ რიგში 2025 წელს გვსურს, რომ შევინარჩუნოთ ის გაყიდვები, რაც გვაქვს. მნიშვნელოვანია, რომ პოზიციები გავამყაროთ. უფრო და უფრო მაღალი კონკურენციაა საშუალო და დაბალ საფასო სეგმენტში. შესაბამისად, გვაქვს გეგმები და მივყვებით ამ გეგმის შესრულებას", - აცხადებს ზურაბ მარგველაშვილი.ცნობისთვის,“თბილღვინო” ქართული ღვინის მწარმოებელი წამყვანი კომპანიაა საქართველოში, რომლის პროდუქციაც ექსპორტზე მსოფლიოს 25 ქვეყანაში გადის. “თბილღვინოს” ისტორია გასული საუკუნის 60-იან წლებში იწყება. 1962 წელს საქართველოში ერთ-ერთი ყველაზე დიდი ღვინის საწარმო გაიხსნა, რომელიც 90-იან წლებში კერძო კომპანიად იქცა და მალევე დაიმკვიდრა მნიშვნელოვანი ადგილი ადგილობრივ და საერთაშორისო ბაზარზე. დაარსებიდან დღემდე, "თბილღვინომ" უდიდესი აღიარება და უამრავი ჯილდო მოიპოვა, მათ შორის ლონდონის საერთაშორისო კონკურსებზე: Decanter World Wine Awards, International Wine Challenge და International Wine & Spirit Competition.„თბილღვინოს“ ვენახებში გაშენებულია სხვადასხვა ქართული ყურძნის ჯიში და მდებარეობს ქინძმარაულის, მუკუზნის და წინანდლის მიკროზონებში. 

სამინისტრო

პარიზში, მიმდინარე კვირაში, ქართული ღვინო 3 ღონისძიებაზე იყო წარმოდგენილი

პარიზში გამართულ ღვინისა და ალკოჰოლიანი სასმელების მასშტაბურ გამოფენაში VinExpo Paris, ღვინის ეროვნული სააგენტოს და საფრანგეთის რესპუბლიკაში საქართველოს საელჩოს მხარდაჭერით, ქართული ღვინის 13 კომპანია: „თბილღვინო“, GWS, „მეღვინეობა შუმი“, „მეღვინეობა ხარება“, „შატო მუხრანი“, „თელიანი ველი“, „ასკანელი“, „მეღვინეობა შილდა“, „მეღვინეობა ჩელთი“, BOLERO & COMPANY, „დუგლაძეების ღვინის კომპანია“, „ქინძმარაულის ღვინის მარანი“ და „მეღვინეობა იყალთო“ მონაწილეობდა.სამდღიან გამოფენაში  მსოფლიოს 40-მდე ქვეყანა იყო წარმოდგენილი. ქართულ ღვინოს პროფესიონალები, იმპორტიორები და ექსპერტები გაეცნენ.გამოფენის პარალელურად, პარიზის გასტრონომიისა და სტუმართმასპინძლობის მენეჯმენტის სკოლაში (Le Cordon Bleu) ღვინის ეროვნული სააგენტოს წარმომადგენელმა ირაკლი ჩოლობარგიამ ქართული ღვინის პრეზენტაცია-დეგუსტაცია აღნიშნული სკოლის ენოლოგიისა და ღვინის მენეჯმენტის კურისის მსმენელებისთვის გამართა. აღნიშნული კურსის მსმენელები არიან მომავალი ექსპერტები, სომელიეები, ექსპორტ-იმპორტის სპეციალისტები, ბაიერები, ღვინის მწერლები; შესაბამისად, მნიშვნელოვანია მათთვის ქართული ღვინის გაცნობა.მიმდინარე კვირაში, ასევე ღვინის ეროვნული სააგენტოს და საფრანგეთის რესპუბლიკაში საქართველოს საელჩოს მხარდაჭერით, ქვევრის ღვინის მწარმოებელმა ცხრა მარანმა საკუთარი პროდუქცია პარიზში, ბუნებრივი ღვინოების საერთაშორისო გამოფენაში RAW Wine Paris 2025 წარმოადგინა.„ღვინის ეროვნული სააგენტო აგრძელებს ღვინის მწარმოებლების მხარდაჭერას საერთაშორისო მასშტაბის ღონისძიებებში მონაწილეობის მიმართულებით, რაც მათ ახალი სავაჭრო პარტნიორებისა და პოტენციური იმპორტიორების მოძიების შესაძლებლობას აძლევს. პარიზში, ქართული ღვინის სამ მასშტაბურ და მნიშვნელოვან ღონისძიებაზე წარდგენა კიდევ უფრო გაზრდის ქართული ღვინის ცნობადობას ევროპის სტრატეგიულ ბაზარზე“, - აღნიშნა ღვინის ეროვნული სააგენტოს თავმჯდომარის მოადგილე დავით ტყემალაძემ.

სამინისტრო

ბერლინში, საერთაშორისო გამოფენა FRUIT LOGISTICA 2025-ზე ქართული პავილიონი იყო წარმოდგენილი

გარემოს დაცვისა და სოფლის მეურნეობის სამინისტროს მხარდაჭერითა და სოფლის განვითარების სააგენტოს ორგანიზებით, გერმანიის ფედერაციულ რესპუბლიკაში, ქალაქ ბერლინში გამართულ საერთაშორისო გამოფენაში FRUIT LOGISTICA 2025 რვა ქართულმა კომპანიამ მიიღო მონაწილეობა.სოფლის განვითარების სააგენტომ, გერმანიის ეკონომიკურ გაერთიანებასთან თანამშრომლობით, გამოფენაზე ის კომპანიები წარადგინა, რომელთა პროდუქტებიც ევროკავშირის სტანდარტებს სრულად აკმაყოფილებს.გარემოს დაცვისა და სოფლის მეურნეობის სამინისტროს ინფორმაციით, ქართულ პავილიონში წარმოდგენილი იყო ლურჯი მოცვის, თხილისა და სანელებლების მწარმოებელი კომპანიების: „აგროლეინი“, „ბლუ ბერდბერიზ“, „გოლდენ ფარმსი“, „ნამიანი“, „აგროველი“, „ქისტოუნაგრო“, „ესერტე“, „პაპრიკა“  სტენდები.გამოფენის გახსნას სოფლის განვითარების სააგენტოს დირექტორის მოადგილე ნატალია ხარატიშვილი და გერმანიის ფედერაციულ რესპუბლიკაში საქართველოს საგანგებო და სრულუფლებიანი  ელჩის მოვალეობის შემსრულებელი  ანი აბულაძე  დაესწრნენ.ქართულ პავილიონს ისრაელის სოფლის მეურნეობისა და სურსათის უსაფრთხოების სამინისტროს გენერალურმა დირექტორი ორენ ლავი სტუმრობდა.აღსანიშნავია, რომ ქართულმა კომპანიებმა, გამოფენის მონაწილეებისა და ვიზიტორების განსაკუთრებული ინტერესი დაიმსახურეს. კომპანიის წარმომადგენლებმა, სავაჭრო კავშირების დამყარების მიზნით, არაერთი შეხვედრა გამართეს.FRUIT LOGISTICA მსოფლიოში აგროსასურსათო მიმართულების ერთ-ერთი უმსხვილესი გამოფენაა. მიმდინარე წელს გამოფენაში 145 ქვეყნიდან 2,700-ზე მეტი კომპანია იღებდა მონაწილეობას

აგრობიზნესი

"ღვინის ქურდები" ამერიკის, ჩინეთისა და კორეის ბაზარზე გასვლას გაზაფხულიდან გეგმავს

"ღვინის ქურდები" ამერიკის, ჩინეთისა და კორეის ბაზარზე გასვლას გაზაფხულიდან გეგმავს, - ამის შესახებ კომპანია „ღვინის ქურდების“ თანადამფუძნებელმა ზაზა ასათიანმა „ბიზნესპარტნიორთან“ განაცხადა.მისივე ინფორმაციით, გარდა ამისა, კომპანიისთვის ევროპული ბაზარი უმთავრესი პრიორიტეტად რჩება და პარალელურ რეჟიმში "ღვინის ქურდები" მოლაპარაკებებს იტალიასთან და გერმანიასთან აწარმოებს. ზაზა ასათიანის შეფასებით, "ღვინის ქურდების" ღვინო 2025 წელს აღნიშნულ ბაზრებზეც უნდა გავიდეს."მიმდინარე წელს დამატებით საექსპორტო ბაზრებზე განვითარების კუთხით აქტიური მუშაობა დავიწყეთ. მაგალითად, კომპანია 2017 წლის შემდეგ არ გავსულვართ ამერიკის ბაზარზე და მიმდინარე წელს, დაახლოებით მარტში პირველ შეკვეთას გავგზავნით. გარდა ამისა, აქტიურად ვაწარმოებთ მოლაპარაკებებს კორეისა და ჩინეთის ბაზარზე და ამჟამად, ტექნიკურ ლოგისტიკური საკითხებს ვაწესრიგებთ და გვაქვს იმედი, რომ გაზაფხულზე სამივე საექსპორტო ბაზარზე ვიქნებით წარმოდგენილი. კომპანიის სამომავლო გეგმებში იაპონიაც მოიაზრება, რომელზე მუშაობასაც აღნიშნული ბაზრების ათვისების შემდეგ უფრო აქტიურად დავიწყებთ. ჯამში ამ ეტაპზე ექსპორტზე ევროპის რამდენიმე ქვეყანაში გავდივართ. ნორვეგია ჩვენი ნომერ პირველი ბაზარი, სადაც ყველაზე წარმატებული ქართული ღვინის კომპანია ვართ გაყიდვების კუთხით. გარდა ამისა, ვართ ავსტრიასა და საფრანგეთში.ზოგადად, ამჟამად საექსპორტო გაყიდვების 100% ევროპაზე მოდის და კომპანიისთვის ევროპული ბაზარი უმთავრესი პრიორიტეტულია. მოლაპარაკებებს, რა თქმა უნდა, ვაწარმოებთ ევროპის რამდენიმე ქვეყანასთან - მათ შორის, იტალიასთან და გერმანიასთან", - აცხადებს ზაზა ასათიანი.კომპანიის თანადამფუძნებლის ინფორმაციით, უცხოეთში ქართულ ღვინოზე მოთხოვნა იზრდება, თუმცა ცნობადობა  არ არის ისეთი როგორიც სხვა ქვეყნების შემთხვევაშია, შესაბამისად, ძალიან ბევრი მუშაობაა საჭირო. გარდა ამისა, აუცილებელია ხარისხი, რადგან მხოლოდ ხარისხით არის შესაძლებელი ღვინის მოყვარულების დაინტერესება.შეგახსენებთ, ღვინის კომპანია „ღვინის ქურდები“ 2015 წელს წინანდალში დაფუძნდა. დაფუძნებიდან პირველი ორი წელი კომპანიის საქმიანობის კონცეფცია მოიცავდა მევენახე გლეხების მოძიებას მთელი ქვეყნის მასშტაბით და მათ გადაყვანას ეკოლოგიურად სუფთა პროდუქციის წარმოებაზე, ასევე კომპანია მათ  ღვინის ბრენდირებასა და სარეალიზაციო ქსელში პროდუქციის გატანაში ეხმარებოდა.

აგრობიზნესი

"წლების განმავლობაში, საქართველოს მხრიდან ხარისხის მიმართ ნამდვილი ერთგულება დავინახე" - ღვინის მაგისტრი საფრანგეთიდან

პარიზში, ბუნებრივი ღვინოების საერთაშორისო გამოფენაში RAW Wine Paris 2025, ღვინის ეროვნული სააგენტოს და საფრანგეთის რესპუბლიკაში საქართველოს საელჩოს მხარდაჭერით, ქვევრის ღვინის მწარმოებელი 9 მარანი:  „ანაპეა“, „შერმას საოჯახო მეღვინეობა“, „ანდრიას ღვინო“, „გაბრიელის ღვინო“, „კონდოლი“, „მალატი“, „მათიაშვილის ღვინის მარანი“, „სამთავისის მარანი“ და  „მინაძის მარანი - ფერსვი“ მონაწილეობდა.გამოფენაზე RAW Wine ქართული ქვევრის ღვინის წარდგენა მნიშვნელოვანია ქვევრის ღვინის პოპულარიზაციის, მცირე და საშუალო მარნების  მიერ პოტენციური იმპორტიორების მოძიებისა და  ექსპორტის ზრდისთვის.RAW Wine  ერთ-ერთი გამორჩეული საერთაშორისო გამოფენაა, სადაც მაღალი ხარისხის ბუნებრივი, ორგანული და ბიოდინამიური ღვინოების მწარმოებლები იკრიბებიან. გამოფენის ორგანიზატორია ცნობილი ღვინის მაგისტრი საფრანგეთიდან იზაბელ ლეგერონი.„ძალიან მიხარია, რომ შეგვიძლია ამ საოცარი მეწარმეების წარმოჩენა. წლების განმავლობაში საქართველოს მხრიდან ხარისხის მიმართ ნამდვილი ერთგულება დავინახე. საოცარია, რომ 10-12 წლის წინ მხოლოდ რამდენიმე მეწარმე იყო ექსპორტზე ორიენტირებული, მაშინ როდესაც, ახლა ასობით მეწარმე აწარმოებს მსოფლიო კლასის ღვინოს. ჩემთვის დიდი პატივია, რომ ამ განვითარების მომსწრე გავხდი და ასევე ვხედავ, როგორ უმჯობესდება ხარისხი. ვენახებში პროგრესი აშკარაა – ისინი უფრო და უფრო ორგანულ მიმართულებას ირჩევენ; ასევე დიდი პროგრესია მარნებში, სადაც ქვევრის გამოყენება ფართოვდება და აქტიურად ხდება ადგილობრივი ჯიშების და ეს უძველესი ტრადიციული მეთოდის პოპულარიზაცია. ვხედავთ, რომ ქართული ღვინო სულ უფრო პოპულარული ხდება. მადლობა, საქართველო, ასეთი კარგი მეგობრობისთვის. ჩემთვის დიდი პატივია, რომ ამ გზის ნაწილი ვარ თქვენთან ერთად“,  - აღნიშნა იზაბელ ლეგერონმა.მიმდინარე წელს, პარიზის გამოფენაზე 15 ქვეყნის 100-მდე ბუნებრივი ღვინის მწარმოებელი იყო წარმოდგენილი, მათ შორის, მეღვინეობის ტრადიციებით სახელგანთქმული ისეთი ქვეყნები, როგორებიცაა საფრანგეთი, იტალია, ესპანეთი, პორტუგალია და სხვა.  ტრადიციულად, ქართული ღვინის მიმართ ინტერესი დიდი იყო ღვინის პროფესიონალებისა და ვიზიტორების მხრიდან.აღსანიშნავია, რომ ღვინის ეროვნული სააგენტოს მხარდაჭერით,  2025 წელს, ქვევრის ღვინის მწარმოებელი მარნები RAW Wine-ის გამოფენებში სხვადასხვა ქვეყნაში მიიღებენ მონაწილეობას.
აგრობიზნესი
"ქართულმა ღვინოებმა მსოფლიო კლასის ღვინოებში ადგილის დამკვიდრება უნდა დაიწყონ" - "თბილღვინო"
"ღვინის ქურდები" ამერიკის, ჩინეთისა და კორეის ბაზარზე გასვლას გაზაფხულიდან გეგმავს
"წლების განმავლობაში, საქართველოს მხრიდან ხარისხის მიმართ ნამდვილი ერთგულება დავინახე" - ღვინის მაგისტრი საფრანგეთიდან
სამინისტრო
პარიზში, მიმდინარე კვირაში, ქართული ღვინო 3 ღონისძიებაზე იყო წარმოდგენილი
ბერლინში, საერთაშორისო გამოფენა FRUIT LOGISTICA 2025-ზე ქართული პავილიონი იყო წარმოდგენილი
ქვემო სვანეთში, ლენტეხის მდინარეები "წითელი ნუსხის" სახეობის ნაკადულის კალმახის 60 000 ქვირითით დათევზიანდა
"2025 წელს ხარისხის კონტროლი გაგრძელდება, რათა ათეულ მილიონობით ლიტრი ქართული ღვინო საერთაშორისო სტანდარტებს აკმაყოფილებდეს"
საქართველოს ფერმერი
"ქვეყანაში დასავლელი ტურისტის რაოდენობა, რომელიც ბოთლის ღვინოს მოიხმარდა, მინიმუმამდე შემცირდა"

ბიომეღვინეობა "იაგოს ღვინოს" დამფუძნებლის იაგო ბიტარიშვილის განცხადებით, შიდა ბაზარზე დასავლელი ტურისტის რაოდენობა, რომელიც ბოთლის ღვინოს მოიხმარდა, მინიმუმამდე შემცირდა.როგორც მან "ბიზნესპარტნიორთან" აღნიშნა, მიუხედავად იმისა, რომ მეღვინეობა ადგილობრივ ბაზარზე ღვინოს არ ყიდის, არსებული კრიზისი შესამჩნევია.რაც შეეხება საექსპორტო ბაზრებზე არსებულ მდგომარეობას - იაგო ბიტარიშვილი აცხადებს, რომ აღნიშნული მიმართულებით გაყიდვები ჯერჯერობით შემცირებული არ არის, თუმცა ისეთი მზარდი დინამიკა, როგორიც ადრე შეინიშნებოდა აღარ არის."ზრდის დინამიკის შენელება ზოგადად მსოფლიოში მიმდინარე პროცესებმა გამოიწვია. მათ შორის, ერთ-ერთი ფაქტორი იყო ინფლაცია. ჯერჯერობით ამას ვერ დავარქმევ კრიზისს, თუმცა პოზიტიური დინამიკა ქართულ ქვევრის ღვინოსთან დაკავშირებით ადრე უფრო იყო", - აცხადებს იაგო ბიტარიშვილი.რაც შეეხება სამომავლო გეგმებს - მეღვინეობის დამფუძნებლის ცნობით, "იაგოს ღვინო" წარმადობის ზრდას, ადგილობრივ ბაზარზე გამოჩენასა და პარალელურად საექსპორტო ბაზრების განვითარებას 2026 წლიდან გეგმავს."ჩვენი ვენახებიდან მოსავალს სავარაუდოდ, 2026 წლიდან მივიღებთ, რის შემდეგაც წარმადობის ზრდას და ასევე, საექსპორტო ბაზრების კუთხით განვითარებას ვგეგმავთ. გარდა ამისა, წარმადობის გაზრდა მოგვცემს შესაძლებლობას, რომ ჩვენი ღვინო ადგილობრივ  ბაზარზეც გავყიდოთ", - აღნიშნა მან.ცნობისთვის, იაგო ბიტარიშვილს ვენახი მცხეთის რაიონის სოფელ ჩარდახში აქვს გაშენებული. ვენახი ბიომეურნეობაა, რადგან იქ ქიმიურ სასუქებს და შხამქიმიკატებს არ იყენებენ.  ღვინო ტრადიციული ქართული წესით, ქვევრში მზადდება.ბრენდი 11-მდე ქვეყანაში იყიდება, მათ შორის: იტალია, საფრანგეთი, ინგლისი, დანია, გერმანია, ესპანეთი, იაპონია, ჩინეთი, ავსტრალია, ახალი ზელანდია და აშშ. 

ხეხილის ბაღები, ნაკლებად ცნობილი ყურძნის ჯიშები - სოფლის მეურნეობაში გაერთიანებული უმოქმედო მიწები

"მინდოდა ქართული საქმე მეკეთებინა. ამ საქმეში თავს კომფორტულად ვგრძნობ, მიხარია ამ საქმის კეთება", - ამბობს "კახელების" დამფუძნებელი ჭიჭიკო გოლეთიანი, რომელსაც კახეთის სოფლებში, ვაჩნაძიანში, კალაურსა და აკურაში 60 ჰექტარზე ხეხილის ბაღები აქვს გაშენებული. საყვარელი საქმე მცირე მეურნეობით დაიწყო და სხვადასხვა სოფელში არსებული უმოქმედო მიწები დიდ სასოფლო სამეურნეო საქმიანობაში გააერთიანა. ჭიჭიკო გოლეთიანს თითქმის ყველა სახეობის, სხვადასხვა ჯიშის ხილი აქვს გაშენებული. სანამ ხილს გააშენებდა შეისწავლა ნიადაგი, რათა სწორად განესაზღვრა, თუ რა კულტურა სად უნდა გაეშენებინა, რომ მიეღო მაღალი ხარისხის, უხვი მოსავალი."გაშენებული გვაქვს ბროწეული, ქლიავი, ვაშლი, მსხალი, ნუში, კაკალი... თავიდან დავიწყეთ შესწავლა, რა იყო მოთხოვნადი ბაზარზე. როგორც აღმოჩნდა, ხილზეც არის მოდა. რაღაც პერიოდი მოდაშია რაღაც ჯიშის ვაშლი,მაგალითად ანტონოვკა, მერე უკვე მოდაში შემოდის მწვანე ვაშლი ან რომელიმე სხვა უცხოურ ჯიშზე აკეთებს საზოგადოება აქცენტს. არა მხოლოდ საქართველოში, მთელ მსოფლიოში ასეა",- აცხადებს ჭიჭიკო გოლეთიანი. დიდ ნაწილზე ამერიკული ჯიშის ნუში აქვს გაშენებული, რომელსაც ყიდის როგორც ნაჭუჭიანს, ისე უკვე გარჩეულს. გარჩევის დროს დაზიანებული ნუშისაგან მზადდება ფქვილი, რომელსაც საკონდიტროში იყენებენ. ასევე აქვს ველური ნუში, რომელიც მედიცინაში გამოიყენება. საცდელად ზეთისხილიც გააშენა, რომლისგანაც მარინადს ამზადებს.რაც შეეხება ყურძენს, აქვს როგორც სუფრის, განსხვავებული ჯიშის ყურძენი - რედგლობი, კრიმსონი, იტალია, ასევე ტრადიციული საღვინე. წელიწადში 60 ტონამდე ღვინოსაც აწარმოებს, რომელიც საკუთარ რესტორნებში "კახელებში" იყიდება. მოყვანილი ხილი და საკუთარი ხილისგან დამზადებული პროდუქცია ადგილობრივი მომხმარებლისთვის არის გათვალისწინებული."ექსპორტზე გატანა არ მინდა და არც გავიტან. ზამთარში საქართველოში ნახავთ უამრავ ხილს, რომელიც საზღვარგარეთიდან შემოდის. როდესაც ჩემს ქვეყანაშია პროდუქტის დეფიციტი, მე ბრაზილიაში გავყიდო თუ რუსეთში?! აქაც მშვენივრად ვყიდი. ჩვენ გვენდობა ჩვენი მომხმარებელი, 28 წელია ამ საქმეს ვაკეთებთ და ვცდილობთ, ხარისხი არ დავაგდოთ", - აღნიშნა ჭიჭიკო გოლეთიანმა. მოწყობილი აქვს სამაცივრე მეურნეობაც, სადაც სარეალიზაციოდ გამზადებული ხილი და ხილისგან დამზადებული პროდუქცია ინახება. 

"გეო ნუში" ნუშის ზეთს გამოუშვებს

"გეო ნუშს" საგარეჯოში ბიო ნუშის ბაღი აქვს გაშენებული. მოსავალს წელს პირველად მიიღებს.როგორც გეო ნუშის დამფუძნებელი თორნიკე მჭედლიშვილი "აგროპარტნიორთან" ამბობს, კომპანია ადგილობრივ ბაზარს ბიო ნუშით მოამარაგებს, ამასთან, გეგმავს, რომ ნუშის ზეთი და ეტაპობრივად სხვადასხვა პროდუქტები გამოუშვას."წელს, ვგეგმავ ნუშის ზეთიც დავწურო - ნედლი, ცივად დაწურული ზეთი. მომავალი წლიდან ნუშის ფქვილის გამოშვებასაც ვგეგმავ, ვნახოთ როგორ განვითარდებით, შეიძლება ნუშის რძეც დავამატო.მაქვს პირველადი გადამმუშავებელი საწარმო, თუმცა არ მაქვს გამტეხი და საწყობი. ამ ეტაპზე გამოწვევაა სასაწყობე და საკრეფი მეურნეობა, რადგან მოსავლის აღება, გადამუშავება, დასაწყობება - ეს უწყვეტი ციკლი უნდა იყოს. თუ მოსავლის აღება დროში გაიწელა, გარე გარსი ახმება და მისი გარჩევა რთულდება. თუ გარჩევა დროულად ვერ მოხერხდება, შეიძლება დასაწყობების დროს ობი აიღოს", - აღნიშნა თორნიკე მჭედლიშვილმა.

"ლურჯი ბაღი": გადავწყვიტეთ ბაღის სენსორული მართვის დანერგვა

"კომპანია ლურჯი" ბაღი, რომელსაც სენაკის მუნიციპალიტეტში, 17 ჰექტარზე გაშენებული ლურჯი მოცვის პლანტაციები აქვს,  ინოვაციური ტექნოლოგიების დანერგვას ცდილობს.ლურჯი ბაღის თანადამფუძნებელი ნიკოლოზ დიდებაშვილი ამბობს, რომ კომპანიამ ბაღის სენსორული მართვის სისტემის დანერგვა გადაწყვიტა, რომელიც ფერმერს ეხმარება მცენარე აკონტროლოს განვითარების ყველა ეტაპზე, რაც  მათ სხვადასხვა რისკებისგან დააზღვევს. კომპანიამ ბაღის გაშენებამდე, მოცვის კულტურაც შეისწავლა და ამ დარგში გამოცდილი ქვეყნებისგან ინფორმაციაც მიიღო. "რამდენიმე მიმართულებით დავიწყეთ ინფორმაციის მოძიება, პირველ რიგში ლურჯი მოცვის ეკონომიკა გავიარეთ, შევისწავლეთ კულტურა - მივიღეთ აგრონომიული ცოდნა და გამოცდილება, შევარჩიეთ ადგილი, რომელიც მიზანშეწონილი იყო ლურჯი მოცვის წარმოებისთვის, ჰავის, კლიმატის, წყლისა და ნიადაგის ანალიზებიდან გამომდინარე", - აღნიშნა ნიკოლოზ დიდებაშვილმა. კენკროვან კულტურას საექსპორტო პოტენციალი აქვს. ფერმერებიც ევროპულ ქვეყნებს უმიზნებენ, შესაბამისად მნიშვნელოვანია ხარისხის უზრუნველყოფა. ამ პროცესში გადამწყვეტია სამაცივრე მეურნეობების განვითარება, რადგან მოცვი მალფუჭებადი პროდუქტია."მოსავლის აღების შემდეგ ყველა ეტაპის დაცვა უმნიშვნელოვანესია. საჭიროა ყველა ეტაპის სწორად და თანმიმდევრულად დაცვა, მოსავლის კრეფიდან დაწყებული, პროდუქციის სამაცივრემდე მიტანით, ტრანსპორტირებით გაგრძელებული და დახლზე განთავსებით დამთავრებული. ვფიქრობ, ქვეყანაში გვჭირდება ინფრასტრუქტურის მოწესრიგება და სამაცივრე მეურნეობის განვითარება", - აღნიშნა ნიკოლოზ დიდებაშვილმა. 

"ლურჯი ბაღი": გადავწყვიტეთ ბაღის სენსორული მართვის დანერგვა
ფერმერი: ნუშის გადასამუშავებელი საწარმოების რაოდენობა უნდა გაიზარდოს
ტექნოლოგიები
კახეთში 500 ჰექტარ სასოფლო-სამეურნეო მიწის ფართობზე სარწყავი წყლის მიწოდება გაუმჯობესდება
ზუგდიდის მუნიციპალიტეტში, 2.5 კილომეტრამდე სიგრძის სადრენაჟე არხებზე გაწმენდითი სამუშაოები მიმდინარეობს
ნულოვანი ნარჩენით ბიო პროდუქტის წარმოება - როგორია საწარმო "ხიბლი"-ს გეგმები
მსოფლიო
სასურსათო დაუცველობას, უფრო მეტად, სოფლად მაცხოვრებლები ეჩეხებიან -გაეროს ანგარიში
საერთაშორისო ბირჟებზე ხორბალი 9%-ით გაძვირდა
FAO: მსოფლიოს 45 ქვეყანა სურსათის მიმართულებით საგარეო დახმარებას საჭიროებს
"როიტერი“ - ანტონიო გუტერეში, „მარცვლეულის შეთანხმების“ გახანგრძლივების სანაცვლოდ, პუტინს სანქცირებული რუსული ბანკის შვილობილი კომპანიის საერთაშორისო გადახდის სისტემასთან დაკავშირებას სთავაზობს
"როიტერი“ - ანტონიო გუტერეში, „მარცვლეულის შეთანხმების“ გახანგრძლივების სანაცვლოდ, პუტინს სანქცირებული რუსული ბანკის შვილობილი კომპანიის საერთაშორისო გადახდის სისტემასთან დაკავშირებას სთავაზობს

1689242580

სხვა სიახლეები
"ქართულმა ღვინოებმა მსოფლიო კლასის ღვინოებში ადგილის დამკვიდრება უნდა დაიწყონ" - "თბილღვინო"
"ქვეყანაში დასავლელი ტურისტის რაოდენობა, რომელიც ბოთლის ღვინოს მოიხმარდა, მინიმუმამდე შემცირდა"
პარიზში, მიმდინარე კვირაში, ქართული ღვინო 3 ღონისძიებაზე იყო წარმოდგენილი
ბერლინში, საერთაშორისო გამოფენა FRUIT LOGISTICA 2025-ზე ქართული პავილიონი იყო წარმოდგენილი
"ღვინის ქურდები" ამერიკის, ჩინეთისა და კორეის ბაზარზე გასვლას გაზაფხულიდან გეგმავს
"წლების განმავლობაში, საქართველოს მხრიდან ხარისხის მიმართ ნამდვილი ერთგულება დავინახე" - ღვინის მაგისტრი საფრანგეთიდან